My photo
ಕರಾವಳಿ ಹುಡುಗಿ :)

Friday, April 10, 2009

ಅವಿಲ್ / ಅವಿಯಲ್ / AVIAL

ಅವಿಲ್ ಅಥವಾ ಆವಿಯಲ್ ಮಲಯಾಳಿಗರ ಓಣಂ ಊಟದ ಪ್ರಮುಖ ಡಿಶ್. ಮನೆಯಲ್ಲಿ ಎಲ್ಲಾ ತರಕಾರಿಗಳು ಸ್ವಲ್ಪ ಸ್ವಲ್ಪ ಇದ್ದರೆ, ಇದು ಒಂದು ರುಚಿಯಾದ ಅಡುಗೆ.




ಅವಿಲ್ ಮಾಡಲು ಬೇಕಾಗುವ ಸಾಮಗ್ರಿಗಳು:
ತರಕಾರಿಗಳು - 3-4 ಕಪ್ (ತೊಂಡೆಕಾಯಿ, ಬಾಳೆಕಾಯಿ, ಸುವರ್ಣಗಡ್ಡೆ, ಬೀನ್ಸ್, ಹೀರೆಕಾಯಿ, ಸೋರೆಕಾಯಿ, ಪಡುವಲಕಾಯಿ, ಸೌತೆಕಾಯಿ, ಆಲೂಗಡ್ಡೆ -ಎಲ್ಲಾ ತರಕಾರಿಗಳನ್ನು ಸ್ವಲ್ಪ ದೊಡ್ಡದಾಗಿ ಕಟ್ ಮಾಡಬೇಕು)
ನನಗೆ ಎಲ್ಲಾ ತರಕಾರಿಗಳು ಸಿಗದ ಕಾರಣ ಬಾಳೆಕಾಯಿ, ಬೀನ್ಸ್, ಆಲೂಗಡ್ಡೆ ಹಾಗು ಅವರೆಕಾಳು ಹಾಕಿ ಮಾಡಿದ್ದೇನೆ)
ತೆಂಗಿನ ತುರಿ - 1 ಕಪ್
ಹಸಿಮೆಣಸು - 3
ಜೀರಿಗೆ - 1 ಚಮಚ
ಶುಂಠಿ - 2 ಸೆ.ಮಿ ತುಂಡು
ಬೆಳ್ಳುಳ್ಳಿ - 1 ಎಸಳು (ಬೇಕಿದ್ದರೆ ಮಾತ್ರ)
ಮೊಸರು - ½ ಕಪ್

ಹಳದಿ ಪುಡಿ - ಸ್ವಲ್ಪ
ಉಪ್ಪು - ರುಚಿಗೆ ತಕ್ಕಷ್ಟು
ಕರಿಬೇವು- 8- 10 ಎಲೆ
ತೆಂಗಿನ ಎಣ್ಣೆ - 2 ಚಮಚ

ಮಾಡುವ ವಿಧಾನ :
ತರಕಾರಿಯನ್ನು 2 ಹಸಿಮೆಣಸು, ಒಂದು ಕಪ್ ನೀರು ಸೇರಿಸಿ ಬೇಯಿಸಿ ಇಟ್ಟುಕೊಳ್ಳಬೇಕು.
ತೆಂಗಿನತುರಿಯನ್ನು 1 ಹಸಿಮೆಣಸು, ಶುಂಠಿ, ಬೆಳ್ಳುಳ್ಳಿ, ಹಳದಿ ಪುಡಿ ಸೇರಿಸಿ ರುಬ್ಬಬೇಕು. ಇದನ್ನು ಬೇಯಿಸಿದ ತರಕಾರಿಯೊಂದಿಗೆ ಬೆರೆಸಿ, ಉಪ್ಪು, ಕೊನೆಯಲ್ಲಿ ಮೊಸರು ಸೇರಿಸಿ, ಸಣ್ಣ ಉರಿಯಲ್ಲಿ 5 ನಿಮಿಷ ಕುದಿಸಬೇಕು. ಕೊನೆಯಲ್ಲಿ ಎಣ್ಣೆ ಬಿಸಿ ಮಾಡಿ ಕರಿಬೇವಿನ ಒಗ್ಗರಣೆ ಕೊಟ್ಟರೆ ಅವಿಲ್ ಸಿದ್ದ.
ಅವಿಲ್ ಸಾಂಬಾರಿಗಿಂತ ಗಟ್ಟಿಯಾಗಿ ಇರುತ್ತದೆ. ಇದನ್ನು ಅನ್ನ ಹಾಗು ಚಪಾತಿಯೊಂದಿಗೆ ತಿನ್ನಬಹುದು.

7 comments:

shivu said...

ವಿನುತಾ ಮೇಡಮ್,

ಇದನ್ನು ಒಮ್ಮೇ ಮಾಡಿಕೊಳ್ಳಬೇಕಿಸುತ್ತದೆ...ನನ್ನ ಶ್ರೀಮತಿಗೆ ಮಾಡಲು ಹೇಳುತ್ತೇನೆ...

ನಾವಡ said...

ನಮಸ್ಕಾರ,
ಚೆನ್ನಾಗಿದೆ ನಿಮ್ಮ ಬ್ಲಾಗ್. ನನಗೆ ತಿಳಿದಂತೆ ಅವಿಲ್ ಗೆ ಬೆಳ್ಳುಳ್ಳಿ ಹಾಕುವುದಿಲ್ಲ.
ನಾವಡ

ವನಿತಾ said...

ನಾವಡರೆ,
ಧನ್ಯವಾದಗಳು ಬ್ಲಾಗ್ ಗೆ ಬಂದು ಪ್ರತಿಕ್ರಿಯಿಸಿದ್ದಕ್ಕೆ,
ಹೌದು,ಅವಿಲ್ ಗೆ ಯಾರು ಬೆಳ್ಳುಳ್ಳಿ ಹಾಕುವುದಿಲ್ಲ.
ನೀವು ಬೆಳ್ಳುಳ್ಳಿ ಉಪಯೋಗಿಸುವವರಾದರೆ,ಒಂದು ಸಲ ಈ ತರ ಬೆಳ್ಳುಳ್ಳಿ ಹಾಕಿ ಮಾಡಿ ನೋಡಿ,ನಂತರ ತಿಳಿಸಿ.

Chevar said...

ಅವಿಯಲ್ ಸೂಪರ್. ಕೇರಳದ ಭಕ್ಷ್ಯದ ಬಗ್ಗೆ ತೆರಿಪಾಯಿನಯಿಕ್ ಸೊಲ್ಮೆಲು. ಅಡುಗೆ ಜತೆ ಬೇರೆ ವಿಷಯಗಳೂ ಬರಲಿ.

shruthi said...

vanitha, thanks the tasty avial. Somehow i thought it will be a long procedure.Your recipe is easy,quick! keep up the good work.

sorry i couldn't type in kannada :(

srinivas said...

ಅವಿಯಲ್ ಸೊಗಸಾಗಿದೆ - ಇನ್ನೊಂದು ಮುಖ್ಯ ತರಕಾರಿಯನ್ನು ಹಾಕಲು ನೀವು ಮರೆತಂತಿದೆ - ಅದೇ ನುಗ್ಗೆಕಾಯಿ - drumstick

ಬಾಯಲ್ಲಿ ನೀರೂರುತ್ತಿದೆ

ವನಿತಾ said...

@shruthi..thanks dear for ur comment

@srinivas..ನಂಗೆ ಇಲ್ಲಿ Fresh ನುಗ್ಗೆಕಾಯಿ ಸಿಗಲ್ಲ..ಅದಿಕ್ಕೆ ಹಾಕಿಲ್ಲ.so ನುಗ್ಗೆಕಾಯಿ ಹಾಕದೆಯೂ ಮಾಡಬಹುದು...ತಿಳಿಸಿದ್ದಕ್ಕೆ ಥ್ಯಾಂಕ್ಸ್