My photo
ಕರಾವಳಿ ಹುಡುಗಿ :)

Wednesday, September 15, 2010

ಥ್ಯಾಂಕ್ಸ್ 'ಸುಧಾ'

'ಸೆಪ್ಟೆಂಬರ್ 16 - 2010ರ 'ಸುಧಾ' ವಾರಪತ್ರಿಕೆಯಲ್ಲಿ ಪ್ರಕಟಿತ -
(http://www.sudhaezine.com/pdf/2010/09/16/20100916a_072101.pdf)

Sunday, September 5, 2010

ಹಬ್ಬಕ್ಕೆ ಎರಡು ದಿಢೀರ್ ಸ್ವೀಟ್ಸ್ (ಗೋಧಿ ಪುಡಿ ಹಲ್ವ ಮತ್ತು ಖರ್ಜೂರ ಪಾಯಸ / Wheat flour Halwa and Dates Payasa)

ಗೋಧಿಪುಡಿ ಹಲ್ವ



ಬೇಕಾಗುವ ಸಾಮಗ್ರಿಗಳು:
ಗೋಧಿ ಪುಡಿ - 1 ಕಪ್
ಸಕ್ಕರೆ - 1 ಕಪ್
ಹಾಲು - 1 ಕಪ್
ತುಪ್ಪ - ¼ ಕಪ್
ಏಲಕ್ಕಿ ಪುಡಿ - 1 ಚಮಚ

ಗೋಡಂಬಿ / ಬಾದಾಮಿ ಪೌಡರ್ - ಸ್ವಲ್ಪ
ಒಂದು ಪಾತ್ರೆಯಲ್ಲಿ
ತುಪ್ಪ ಬಿಸಿ ಮಾಡಿ, ಇದಕ್ಕೆ ಗೋಧಿಪುಡಿಯನ್ನು ಸೇರಿಸಿ, ಸಣ್ಣ ಉರಿಯಲ್ಲಿ ಕೆಂಬಣ್ಣ ಬರುವ ತನಕ (15-20 ನಿಮಿಷ) ಹುರಿಯಿರಿ. ನಂತರ ಇದಕ್ಕೆ ಸಕ್ಕರೆ, ಏಲಕ್ಕಿ ಪುಡಿ ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ, ಕೊನೆಯಲ್ಲಿ ಹಾಲು ಸೇರಿಸಿ. ಈ ಮಿಶ್ರಣ ತಳ ಬಿಡುವಾಗ (5 ನಿಮಿಷ) ಒಂದು ತುಪ್ಪ ಸವರಿದ ಪ್ಲೇಟ್ ಗೆ ಹಾಕಿ ಸ್ವಲ್ಪ ತಣ್ಣಗಾದ ನಂತರ ಬೇಕಾದ ಆಕಾರಕ್ಕೆ ತುಂಡು ಮಾಡಿ. ಮೇಲಿನಿಂದ ಗೋಡಂಬಿ-ಬಾದಾಮಿ ಪೌಡರ್ ನ್ನು ಉದುರಿಸಿ ಅಥವಾ ಇಡೀ ಗೋಡಂಬಿಯಿಂದ ಅಲಂಕರಿಸಿ.

ಖರ್ಜೂರ ಪಾಯಸ

ಬೇಕಾಗುವ ಸಾಮಗ್ರಿಗಳು:
ಖರ್ಜೂರ - 15
ತೆಂಗಿನ ಹಾಲು - 3 ಕಪ್ (½ ತೆಂಗಿನಕಾಯಿಯನ್ನು ತುರಿದು ನೀರು ಸೇರಿಸಿಕೊಂಡು ಮಿಕ್ಸಿಯಲ್ಲಿ ರುಬ್ಬಿ, ಹಾಲನ್ನು ಹಿಂಡಿ ತೆಗೆಯಿರಿ. ಪುನ ಇದಕ್ಕೆ ನೀರು ಸೇರಿಸಿ ಇನ್ನೊಮ್ಮೆ ಹಾಲು ತೆಗೆದಿಡಿ.)
ಸಕ್ಕರೆ ಅಥವಾ ಬೆಲ್ಲ - ½ ಕಪ್ (ಸಿಹಿಗೆ ತಕ್ಕಂತೆ)
ಏಲಕ್ಕಿ ಪುಡಿ - 1 ಚಮಚ

ಸ್ವಲ್ಪ ಗೋಡಂಬಿ ಹಾಗು ಒಣ ದ್ರಾಕ್ಷೆ

ಖರ್ಜೂರದ ಬೀಜ ತೆಗೆದು ಸಣ್ಣಗೆ ತುಂಡು ಮಾಡಿಕೊಂಡು ಅರ್ಧ ಕಪ್ ನೀರಿನಲ್ಲಿ 5 ನಿಮಿಷ ಕುದಿಸಿರಿ. ತಣ್ಣಗಾದ ನಂತರ ಇದನ್ನು ಮಿಕ್ಸಿಯಲ್ಲಿ ರುಬ್ಬಿ. ಈ ಮಿಶ್ರಣವನ್ನು ಒಂದು ಪಾತ್ರೆಯಲ್ಲಿ ತೆಗೆದುಕೊಂಡು ಇದಕ್ಕೆ ತೆಂಗಿನ ಹಾಲು ಮತ್ತು ಸಕ್ಕರೆ ಸೇರಿಸಿ 5 ನಿಮಿಷ ಹದ ಉರಿಯಲ್ಲಿ ಕುದಿಸಿರಿ. ಕೊನೆಯಲ್ಲಿ ಏಲಕ್ಕಿಪುಡಿ ಹಾಗು ತುಪ್ಪದಲ್ಲಿ ಹುರಿದ ಗೋಡಂಬಿ ಹಾಗು ಒಣ ದ್ರಾಕ್ಷೆಯನ್ನು ಸೇರಿಸಿ, ಬಿಸಿ ಅಥವಾ ತಣ್ಣಗಾದ ನಂತರ ಸವಿಯಲು ಕೊಡಿ. ಪಾಯಸ ಗಟ್ಟಿಯಾಗಿದ್ದರೆ, ಕೊನೆಯಲ್ಲಿ ½ - 1 ಕಪ್ ಹಾಲು ಕೂಡ ಸೇರಿಸಬಹುದು.ಈ ಎರಡು ಸ್ವೀಟ್ಸ್ಗಳನ್ನು ಮಾಡಲು ತುಂಬಾ ಸುಲಭ ಹಾಗೂ ಕಡಿಮೆ ಸಮಯದಲ್ಲಿ ಮಾಡಬಹುದು.

Recipe source: Vidyakka



ನನ್- ಪ್ರಪಂಚದ ಓದುಗರೆಲ್ಲರಿಗೂ ಗೌರಿ - ಗಣೇಶ ಹಬ್ಬದ ಶುಭಾಶಯಗಳೊಂದಿಗೆ,
ವನಿತಾ.

Wednesday, July 21, 2010

ಪಾಲಕ್ ಸೊಪ್ಪು- ಕ್ಯಾರೆಟ್ ಪಲಾವ್ (Spinach - Carrot Pulav) and Green bean stir fry

ಬ್ಲಾಗ್ ಅಪ್ಡೇಟ್ ಮಾಡದೆ ತಿಂಗಳು ದಾಟಿತು.. ಜೂನ್ ತಿಂಗಳಲ್ಲಿ ಹದಿನೈದು ದಿನ ಅಮೆರಿಕಾದಲ್ಲಿ ಸಣ್ಣ ಟೂರ್ ಹೊಡೆದು ಬಂದ್ವಿ.ಹೊರಡುವ ಮೊದಲು 15 ದಿನ preparation; ..ಬಂದ ಮೇಲೆ ಸ್ವಲ್ಪ ಸೋಂಬೇರಿತನ.. ಆದುದರಿಂದ ಏನೂ ಬರೆದಿರಲಿಲ್ಲ. ಇತ್ತೀಚಿಗೆ ನನ್ನ ಆಂಧ್ರದ ಫ್ರೆಂಡ್ ಒಬ್ಬರು ಮಾಡಿದ ಪಾಲಕ್ - ಕ್ಯಾರೆಟ್ ಪಲಾವ್, ನಮ್ಮನೆಯಲ್ಲಿ ಎಲ್ಲರಿಗೂ ತುಂಬಾ ಇಷ್ಟ ಆಯಿತು. ಅದನ್ನು ನಿಮ್ಮ ಜೊತೆ ಹಂಚಿಕೊಳ್ಳೋಣ ಎಂದು ಅನ್ನಿಸಿತು..

ಪಾಲಕ್ ಸೊಪ್ಪು- ಕ್ಯಾರೆಟ್ ಪುಲಾವ್ ಮಾಡಲು ಬೇಕಾಗುವ ಸಾಮಗ್ರಿಗಳು:

ಬಾಸ್ಮತಿ ರೈಸ್ - 2 ಕಪ್
ಪಾಲಕ್ ಸೊಪ್ಪು - ಒಂದು ಕಟ್ಟು (ಕಟ್ಟಿನಿಂದ ಬಿಡಿಸಿ ಸೊಪ್ಪು ಮಾತ್ರ ತೆಗೆದು ಕ್ಲೀನ್ ಮಾಡಿ ಕಟ್ ಮಾಡಿಡಿ)
ಕ್ಯಾರೆಟ್ - 2-3 (ತುರಿದುಕೊಂಡು)
ಬಟಾಣಿ - ½ ಕಪ್ (ನೀರಿನಲ್ಲಿ 6-8 ಗಂಟೆ ನೆನೆಸಿ / frozen green peas )
ಆಲೂಗಡ್ಡೆ - 1-2
ಹಸಿ ಮೆಣಸು - 2-3
ಗರಂ ಮಸಾಲ ಪುಡಿ - 1 ಚಮಚ
ಈರುಳ್ಳಿ - 1 ಕಟ್ ಮಾಡಿ
ಶುಂಟಿ - ಬೆಳ್ಳುಳ್ಳಿ ಪೇಸ್ಟ್ - 1 ಚಮಚ
ಚೆಕ್ಕೆ - 1” ತುಂಡು
ಏಲಕ್ಕಿ - 1ಲವಂಗ- 3

ಉಪ್ಪು - 1 ½ ಚಮಚ

ತುಪ್ಪ / ಎಣ್ಣೆ - ಸ್ವಲ್ಪ

ವಿಧಾನ:
ಅಕ್ಕಿಯನ್ನು 15 ನಿಮಿಷ ನೀರಿನಲ್ಲಿ ನೆನೆಸಿಟ್ಟು ನಂತರ ಚೆನ್ನಾಗಿ ತೊಳೆದಿಟ್ಟುಕೊಳ್ಳಿ.
ಒಂದು ಪಾತ್ರೆಯಲ್ಲಿ ಸ್ವಲ್ಪ ತುಪ್ಪ / ಎಣ್ಣೆ ಹಾಕಿಕೊಂಡು, ಚೆಕ್ಕೆ, ಏಲಕ್ಕಿ, ಲವಂಗ ವನ್ನು ಸ್ವಲ್ಪ ಹುರಿಯಿರಿ. ಇದಕ್ಕೆ ಈರುಳ್ಳಿ ಸೇರಿಸಿ ಹುರಿದು, ನಂತರ ಪಾಲಕ್ ಸೊಪ್ಪು ಸೇರಿಸಿ, 3-4 ನಿಮಿಷ (ಸೊಪ್ಪು shrink ಆಗುವ ತನಕ) ಹುರಿಯಿರಿ. ನಂತರ ಕ್ಯಾರೆಟ್, ಬಟಾಣಿ, ಆಲೂಗಡ್ಡೆ ಹಾಗು ಅಕ್ಕಿ ಸೇರಿಸಿ 2-3 ನಿಮಿಷ ಹುರಿಯಿರಿ. ಇದನ್ನು ಕುಕ್ಕರಿನಲ್ಲಿ ತೆಗೆದುಕೊಂಡು, ಉಪ್ಪು, ಗರಂ ಮಸಾಲ ಪುಡಿ, ಶುಂಟಿ- ಬೆಳ್ಳುಳ್ಳಿ ಪೇಸ್ಟ್ ಹಾಗು 4 ಗ್ಲಾಸ್ ನೀರು ಸೇರಿಸಿ ಬೇಯಿಸಿರಿ. ಇದನ್ನು ಮೊಸರು ರಾಯಿತ / ಸೈಡ್ ಡಿಶ್ ನೊಂದಿಗೆ ತಿನ್ನಬಹುದು. ತುಂಬಾ ಸುಲಭದಲ್ಲಿ ತಯಾರಿಸಬಹುದಾದ ರೆಸಿಪಿ ಹಾಗು ಟೇಷ್ಟಿಯಾಗಿರುತ್ತದೆ.
ತೆಂಗಿನ ತುರಿ ಸೇರಿಸಿ ಮಸಾಲೆಯನ್ನು ರುಬ್ಬಿಕೊಂಡು ಈ ರೀತಿಯಲ್ಲಿ ಕೂಡ ಈ ಪಲಾವ್ ನ್ನು ಮಾಡಬಹುದು.

ಬೀನ್ಸ್ ಸ್ಟಿರ್ ಫ್ರೈ (Green bean stir fry):

ಅಮೆರಿಕಾದಲ್ಲಿ Asian restaurant ಅಂದರೆ ಹೆಚ್ಚಾಗಿ ಅದು Chinese restaurant ಆಗಿರುತ್ತದೆ. ವೆಜಿಟೇರಿಯನ್ ಆದ ನಂಗೆ ಅಲ್ಲಿ ಹೆಚ್ಚಿನ options ಇಲ್ಲದಿದ್ದರೂ, ಇದ್ದುದರಲ್ಲಿ ಇಷ್ಟವಾಗುವ ಒಂದು dish, green bean stir fry. ಉದ್ದದ ಬೀನ್ಸ್ ನ್ನು ಫ್ರೈ ಮಾಡಿ starter / ಸೈಡ್ ಡಿಶ್ ತರ ಉಪಯೋಗಿಸಬಹುದು. So ಗೂಗಲ್ ನಲ್ಲಿ ಹುಡುಕಿ, ಮನೆಯಲ್ಲಿ ಟ್ರೈ ಮಾಡಿದಾಗ ಹೋಟೆಲ್ ನಲ್ಲಿ ಸಿಕ್ಕುವಷ್ಟು ಕ್ರಿಸ್ಪ್ (crisp) ಆಗದಿದ್ದರೂ, not bad ಅಂತ ಅನ್ನಿಸಿತು.

ತಯಾರಿಸುವ ವಿಧಾನ:
15-20
ಬೀನ್ಸ್
ಎಣ್ಣೆ - 2-3 ಚಮಚ
ಉಪ್ಪು - ಚಿಟಿಕೆ
ಸೋಯಾ ಸಾಸ್ - ¼ ಚಮಚ

ಬೀನ್ಸ್ ನ್ನು ಕ್ಲೀನ್ ಮಾಡಿ ತೊಳೆದು, ಕುದಿಯುವ ನೀರಿಗೆ ಹಾಕಿ 5ನಿಮಿಷ ಕುದಿಸಿರಿ. ಇದನ್ನು ತಕ್ಷಣ ಒಲೆಯಿಂದ ತೆಗೆದು ತಣ್ಣೀರಿನಲ್ಲಿ 2-3 time rinse ಮಾಡಿ, ನಂತರ ಒಂದು ಬಟ್ಟೆ/ paper towel ನಲ್ಲಿ ತೆಗೆದಿಡಿ.
ಒಂದು ಪಾನ್ ನಲ್ಲಿ ಸ್ವಲ್ಪ ಎಣ್ಣೆ ಹಾಕಿ, ಈ ಬೀನ್ಸ್ ನ್ನು 10-12 ನಿಮಿಷ ಮೊಗಚುತ್ತ ಹುರಿಯಿರಿ. ಕೊನೆಯಲ್ಲಿ ಸ್ವಲ್ಪ ಉಪ್ಪು, ಸೋಯಾ ಸಾಸ್, ಸೇರಿಸಿ, ಮಿಕ್ಸ್ ಮಾಡಿ, ಸ್ವಲ್ಪ ತಣ್ಣಗಾದ ನಂತರ ತಿನ್ನಲು ಕೊಡಿ.

ಕೊನೆಯಲ್ಲಿ ಸ್ವಲ್ಪ ಶುಂಟಿ- ಬೆಳ್ಳುಳ್ಳಿಯನ್ನು ತುರಿದು ಫ್ರೈ ಮಾಡಿ ಕೂಡ ಸೇರಿಸಬಹುದು. ನೀರಿನಲ್ಲಿ blanch ಮಾಡದೆ direct ಆಗಿ ಬೀನ್ಸ್ ನ್ನು ಹುರಿಯಬಹುದು, but ನಂಗೆ ಫಸ್ಟ್ ವಿಧಾನದಲ್ಲಿ ಮಾಡಿದಾಗ ರುಚಿ ಇಷ್ಟವಾಯಿತು.

ಇತ್ತೀಚಿಗೆ ಓದಿದ ಪುಸ್ತಕ - Between Two Worlds: My life and Captivity in Iran by Ms. Roxana Saberi.
ಜನವರಿ 2009ರಲ್ಲಿ, ಇರಾನಿನ ಜೈಲಿನಲ್ಲಿ 100 ದಿನ ಗಳ ಕಾಲ ಶಿಕ್ಷೆ ಅನುಭವಿಸಿದ Roxana Saberi ತನ್ನ ಆ ಜೈಲುವಾಸದ ದಿನಗಳ ಬಗ್ಗೆ ಬರೆದ ಪುಸ್ತಕವಿದು. ಈಕೆ BBC, NPR, Fox news ನಂತ ಹಲವು ಪ್ರಸಿದ್ಧ ಚಾನೆಲ್ ಗಳಿಗೆ ಜರ್ನಲಿಸ್ಟ್ ಆಗಿದ್ದಾಕೆ.
ತನ್ನ ಇರಾನಿ ತಂದೆಯ ಪ್ರಭಾವ ಹಾಗು ಅಲ್ಲಿನ cultural aspectಗಳ ಬಗ್ಗೆ ತಿಳಿಯುವ ಕುತೂಹಲದಿಂದ, ಪುಸ್ತಕ ಬರೆಯಬೇಕೆಂದು ಹೋದ ಈಕೆಯನ್ನು ಇರಾನಿನ Intelligenceನವರು ಅಮೆರಿಕಾದ spy ಎಂದು ಜೈಲಿಗೆ ತಳ್ಳುತ್ತಾರೆ. ಸುಮಾರು ಒಂದು ತಿಂಗಳವರೆಗೆ ಯಾರನ್ನೂ (ಲಾಯರ್ ನ್ನು ಕೂಡ) ಸಂಪರ್ಕಿಸಲು ಬಿಡದೆ, ಯಾರಿಗೂ ಜೈಲಿನಲ್ಲಿರುವದನ್ನು ಹೇಳಕೂಡದು ಎಂದು ತುಂಬಾ ವಿಧದಲ್ಲಿ ಮಾನಸಿಕ ಹಿಂಸೆ ಮತ್ತು 8 ವರ್ಷಗಳ ಶಿಕ್ಷೆ ಯನ್ನು ವಿಧಿಸುತ್ತಾರೆ. ಅಮೆರಿಕಾದ guantanamo bay ಯಂತೆಯೇ ಪ್ರ(ಕು)ಖ್ಯಾತಿ ಪಡೆದ ಇರಾನಿನ Evin Prisonನಲ್ಲಿ 100 ದಿನಗಳ ಕಾಲವಿದ್ದಾಗ ಅಲ್ಲಿನ ಜೈಲರುಗಳು, cell matesಗಳ ಬಗ್ಗೆ, ಕೊನೆಗೆ ಆಕೆ ಅಲ್ಲಿ hunger strike ಮಾಡಿದ್ದು, ಹಾಗು ಅವಳ ಬಂಧನಕ್ಕೆ ವಿಶ್ವದ ಎಲ್ಲ ಮೂಲೆಗಳಿಂದ ಬಂದ ಪ್ರತಿರೋಧಗಳು, ಕೊನೆಗೂ 100 ದಿನಗಳ ನಂತರ ಮೇ 11, 2009 ರಂದು ಜೈಲಿನಿಂದ ಹೊರ ಬಂದುದನ್ನು ಚೆನ್ನಾಗಿ ಬರೆದಿದ್ದಾರೆ. A nice read.


Saturday, May 29, 2010

ಹೀಗೊಂದು ಪುಸ್ತಕ “Three Cups of Tea by Greg Mortenson & David Oliver Relin”



"The first time you take tea, you are an invited stranger.
The second time you take tea, you are an honored guest.
The third time you share a cup of tea, you become a part of the family." - ಪಾಕಿಸ್ತಾನದ ಬಾಲ್ಟಿ ಜನರ ನಡೆ-ನುಡಿಯಲ್ಲಿ ಹಾಸು ಹೊಕ್ಕಾಗಿರುವ ಮಾತಿದು.
ಹೀಗೆ ಅವರ ಮನೆಯವನಂತೆ ಪಾಕಿಸ್ತಾನ - ಅಫ್ಘಾನಿಸ್ತಾನದಲ್ಲಿ ಸಮಾಜಸೇವೆಯನ್ನು ಮಾಡಿದ ಅಮೆರಿಕದ ವ್ಯಕ್ತಿ, “Three Cups of Tea” ಪುಸ್ತಕದ ನಾಯಕ, Greg Mortenson.

ಮೂಲತಃ Greg Mortenson ಒಬ್ಬ ಪರ್ವತಾರೋಹಿ. ಜಗತ್ತಿನ ಎರಡನೇ ಎತ್ತರದ ಪರ್ವತವಾದ K2 ಪರ್ವತ ಶ್ರೇಣಿಯನ್ನೇರಲು(ಎವರೆಸ್ಟ್ ಹಾಗು ಕಾಂಚನಜುಂಗ ಪರ್ವತ ಪ್ರಥಮ ಹಾಗು ಮೂರನೇ ಸ್ಥಾನದಲ್ಲಿದೆ) ಹೊರಟ ಈತ ಹಾದಿ ತಪ್ಪಿ, ಪಾಕಿಸ್ತಾನದ ಒಂದು ಹಳ್ಳಿ, Korpheಯನ್ನು ಬಂದು ಸೇರುತ್ತಾನೆ. ಈ ಹಳ್ಳಿಯಲ್ಲಿ ಕೆಲವು ವಾರಗಳ ಕಾಲ ತಂಗಿ, ಅವರ ಆತಿಥ್ಯವನ್ನು ಸವಿಯುತ್ತಾನೆ ಹಾಗು ಹಳ್ಳಿಯ ಪರಿಸ್ಥಿತಿ, ಬಡತನವನ್ನು ನೋಡಿ ಮರುಗುತ್ತಾನೆ. ಅಲ್ಲಿನ ಹಳ್ಳಿಯ ಮಕ್ಕಳಿಗೆ ಒಂದೇ ಒಂದು ಶಾಲೆ ಕೂಡ ಇರುವುದಿಲ್ಲ. ಅವರಿಗೆ ಯಾವುದೇ ರೀತಿಯ ಫಾರ್ಮಲ್ ವಿಧ್ಯಾಭ್ಯಾಸದ ಬಗ್ಗೆ ತಿಳಿದಿರಲಿಲ್ಲ. ಹೆಣ್ಣು ಮಕ್ಕಳು ಶಾಲೆಗೆ ಹೋಗಬಾರದು ಎನ್ನುವ ಪರಿಸ್ಥಿತಿಯಿದ್ದ ಹಳ್ಳಿಯಲ್ಲಿ, ಹಳ್ಳಿಯ ಮುಖ್ಯಸ್ಥ ಹಾಜಿ ಅಲಿಯವರಲ್ಲಿ, ಮುಂದೊಮ್ಮೆ ಇಲ್ಲಿ ಬಂದು ಈ ಮಕ್ಕಳಿಗೋಸ್ಕರ ಶಾಲೆಯನ್ನು ಕಟ್ಟಿಸಿಕೊಡುತ್ತೇನೆ ಎನ್ನುವ
promiseನೊಂದಿಗೆ ಅಮೆರಿಕಕ್ಕೆ ಮರಳುತ್ತಾನೆ.

ಅಮೆರಿಕಕ್ಕೆ ಬಂದು ಸಮಾಜ ಸೇವೆಗಾಗಿ ಆರ್ಥಿಕ ಸಹಾಯಕ್ಕೆಂದು ಹಲವು ವ್ಯಕ್ತಿ ಗಳನ್ನು ಭೇಟಿ ಮಾಡುತ್ತಿದಾಗ, Jean Hoerni ಎನ್ನುವ ಮಿಲೆನಿಯರ್ ಸಹಾಯ ಮಾಡುತ್ತಾನೆ. ಅವರು ಕೊಟ್ಟ $12,000 ದೊಂದಿಗೆ ಪಾಕಿಸ್ತಾನಕ್ಕೆ ಮರಳಿ, ನೂರಾರು ಸಮಸ್ಯೆ ಹಾಗೂ ಹಲವು ಎಡರು ತೊಡರುಗಳನ್ನು ಎದುರಿಸಿ, ಮೊದಲನೆಯದಾಗಿ ಗ್ರಾಮಕ್ಕೆ ಬೇಕಿದ್ದ ಒಂದು ಸೇತುವೆ, ಹಾಗು ಸತತ ಪರಿಶ್ರಮದಿಂದ ಹಳ್ಳಿಗೆ ಪ್ರಥಮ ಶಾಲೆಯನ್ನು ನಿರ್ಮಿಸಿ, ಅಲ್ಲೊಬ್ಬ ಟೀಚರನ್ನು ನೇಮಿಸಿ ಅಲ್ಲಿನ ಮಕ್ಕಳ ಅಭಿವೃದ್ದಿಗಾಗಿ ತನ್ನ ಸೇವೆಯನ್ನು ಮುಡಿಪಾಗಿಸುತ್ತಾನೆ.

ಕೇವಲ ಒಂದು ಹಳ್ಳಿಯ, ಒಂದು ಶಾಲೆಗೇ ಸೀಮಿತವಾಗಿರದೆ Jean Hoerni ರ ಸಹಾಯದ ಮೂಲಕ Central Asia Institute ಎನ್ನುವ ಸಂಸ್ಥೆಯನ್ನು ಸ್ಥಾಪಿಸುತ್ತಾನೆ. ಈ ಸಂಸ್ಥೆಯ ಮೂಲಕ ಪಾಕಿಸ್ತಾನ, ಅಫ್ಘಾನಿಸ್ತಾನದ ಹಲವು ಹಳ್ಳಿಗಳಲ್ಲಿ, ಪ್ರತಿ ಹೆಜ್ಜೆಗೂ ಆತಂಕ, ಭಯ, ಫಾರಿನರ್ ಒಬ್ಬನಿಗೆ ಅಲ್ಲಿನ ಧಾರ್ಮಿಕ ಮುಖಂಡರಿಂದ ಬರುವ ಬೆದರಿಕೆ, ಹಾಗು ಸೆಪ್ಟೆಂಬರ್ 11ರ ನಂತರ ಅಮೆರಿಕನ್ನರಿಂದಲೇ ಬರುವ ಬೆದರಿಕೆಗಳನ್ನು ಲೆಕ್ಕಿಸದೆ, ನೂರಕ್ಕೂ ಹೆಚ್ಚು ಶಾಲೆ, ಅವುಗಳಿಗೆ ಬೇಕಾದ ಉಪಕರಣಗಳು, ಪುಸ್ತಕ, ಟೀಚರ್, ನೀರು ಮತ್ತು ಹಲವು ಸೌಲಭ್ಯ, 50,000ಕ್ಕೂ ಮಿಕ್ಕಿ ಮಕ್ಕಳಿಗೆ ವಿಧ್ಯಾಭ್ಯಾಸವನ್ನು ಒದಗಿಸುತ್ತಾನೆ. ಈ ಮೂಲಕ ಒಂದು ಕಾಲದಲ್ಲಿ ಶಾಲೆಯ ಮೆಟ್ಟಿಲನ್ನೂ ಹತ್ತದ ಹೆಣ್ಣು ಮಕ್ಕಳ, ಅದರಲ್ಲೂ ಒಂದು ಹೆಣ್ಣು ಮಗಳ ಮೆಡಿಕಲ್ ವಿಧ್ಯಾಭ್ಯಾಸಕ್ಕೆ ಕೂಡ ಕಾರಣಕರ್ತನಾಗುತ್ತಾನೆ.

ಹೃದಯ ವೈಶಾಲ್ಯತೆಯಿದ್ದರೆ ಒಬ್ಬ ಮನುಷ್ಯನಿಂದ ಎಂತಹ ಸಾಮಾಜಿಕ ಬದಲಾವಣೆಯನ್ನು ತರಬಹುದು ಎನ್ನುವುದಕ್ಕೆ ಉತ್ತಮ ಮಾದರಿ Gregರವರ ಜೀವನ. Really inspiring book.
(ಚಿತ್ರ - internet source)
Odu bazar link

Wednesday, April 28, 2010

ಕಣ್ಣಿಗೆ ಹಬ್ಬ - ನಿಸರ್ಗ ಸೃಷ್ಟಿಯ ಗುಹೆಗಳು

ಸಲ ಅಡುಗೆ ಮನೆ ಬಿಟ್ಟು, ಸ್ವಲ್ಪ ಬೇರೆ ಬರೆಯೋಣ ಅಂತ ಅನ್ನಿಸ್ತು...ಅದಕ್ಕೆ ಇಲ್ಲಿನ (ಟೆಕ್ಸಾಸ್) ಗುಹೆಗಳನ್ನು ಪರಿಚಯಿಸುತ್ತಿದ್ದೇನೆ. ಟೆಕ್ಸಾಸ್ ಉರಿ ಬಿಸಿಲಿಗೆ ಹೆಸರು ವಾಸಿಯಾದರೂ ಕೂಡ, ಕಣ್ಣಿಗೆ ಮುದ ನೀಡುವ ಸುಂದರ ಗುಹೆಗಳು ಇಲ್ಲಿನ ಆಕರ್ಷಣೀಯ ಸ್ಥಳಗಳಲ್ಲಿ ಒಂದು. ಗುಹೆಗಳಿಗೆ ಮಿಲಿಯನ್ ವರ್ಷಗಳ ಇತಿಹಾಸವಿದೆ.


ವೈಜ್ಞಾನಿಕ ಸಂಶೋಧನೆಗಳ ಪ್ರಕಾರ ಭೂಮಿಯ ಪದರದ ನಡುವಿರುವ ಸುಣ್ಣದ ಕಲ್ಲಿನ (CaCO3) ಸಂಧಿಗಳಿಂದ ನುಸುಳುವ ಕಾರ್ಬೋನಿಕ್ ಆಮ್ಲ (H2CO3) ನಿಧಾನವಾಗಿ ಸುಣ್ಣದ ಕಲ್ಲನ್ನು ಕರಗಿಸುತ್ತಾ ಸಂಧಿಗಳನ್ನು ಅಗಲವಾಗಿಸುತ್ತ, ಗುಹೆಗಳ ನಿರ್ಮಾಣವಾಗುತ್ತದೆ. ವಾತಾವರಣ ಹಾಗೂ ಮಣ್ಣಿನಲ್ಲಿರುವ ಅಂಗಾರಾಮ್ಲ (CO2) ನೀರಿನೊಂದಿಗೆ (H2O) ಕರಗಿದಾಗ ಕಾರ್ಬೋನಿಕ್ ಆಮ್ಲ ತಯಾರಾಗುತ್ತದೆ. ಈ ಗುಹೆಗಳ ರಚನೆ ಬಹಳ ನಿಧಾನವಾದ ಪ್ರಕ್ರಿಯೆ. ಒಂದು ಅಂದಾಜಿನ ಪ್ರಕಾರ ಒಬ್ಬ ಮನುಷ್ಯ ನುಸುಳಬಹುದಾದ ಗುಹೆಯ ರಚನೆಗೆ ಸುಮಾರು ಒಂದು ಮಿಲಿಯ ವರ್ಷ ತಗಲುತ್ತದೆ.


First ಗೆ ಗುಹೆ ಯನ್ನು ಕಂಡು ಹಿಡಿದಾ ಹಗ್ಗದ ಮೂಲಕ ಕೆಳಕ್ಕಿಳಿಯಲು ಉಪಯೋಗಿಸುತ್ತಿದ್ದ ದಾರಿ. ಈಗ ಪಕ್ಕದಲ್ಲೇ ಮೆಟ್ಟಲುಗಳನ್ನು ಕಾಣಬಹುದು.



ಅದರಲ್ಲೂ ಸುಂದರವಾದ ಗುಹೆಯ ಒಳಗಿನ ರಚನೆಗಳು ಕಣ್ಣಿಗೆ ಹಬ್ಬವನ್ನುಂಟು ಮಾಡುತ್ತವೆ.ಅಂತೆಯೇ ಗುಹೆಯ ಒಳಗೆ ಜಿನುಗುವ ನೀರಿನ ಹನಿಗಳು ತೊಟ್ಟಿಕ್ಕುತ್ತಾ ಶಿಲಾ ರಚನೆಗಳು ನಿರ್ಮಾಣ ಗೊಳ್ಳುತ್ತವೆ. ಈ ರಚನೆಗಳನ್ನು ಕೈಯಿಂದ ಸ್ಪರ್ಶಿಸ ಬಾರದು. ಏಕೆಂದರೆ, ನಮ್ಮ ಕೈಯಲ್ಲಿರುವ ಎಣ್ಣೆ/ಜಿಡ್ಡು, ಶಿಲೆಗಳ ಬೆಳವಣಿಗೆಯನ್ನು ಸ್ಥಗಿತಗೊಳಿಸುತ್ತವೆ. ನೆಲದಲ್ಲಿ ಉಧ್ಭವವಾದಂತೆ ಕಾಣುವ ಸುಂದರ ಶಿವಲಿಂಗಗಳು, ಅದ್ಭುತ ಗೋಪುರಗಳು, ಕಂಬದಂತೆ, ಗ್ಲಾಸಿನ ಸ್ಟ್ರಾದಂತೆ, ಸೀರೆಯ ನೆರಿಗೆಯಂತೆ ಕಾಣುತ್ತಾ ಮನಸೂರೆಗೊಳ್ಳುತ್ತವೆ. ಇದಕ್ಕನುಗುಣವಾಗಿ ಇವಕ್ಕೆ ಇಂಗ್ಲಿಷ್ ನಲ್ಲಿ ಬೇರೆ ಬೇರೆ ಹೆಸರಿನಿಂದ ಕರೆಯುತ್ತಾರೆ.


ಶಿಲ್ಪಿ ಕಡೆದ ಕಂಬಗಳಂತೆ ಗೋಚರಿಸುವ ಗುಹೆಯ ಒಳಾಂಗಣ


ಸೀರೆಯ ನೆರಿಗೆಗಳು
ಸ್ಟ್ರಾ (on the roof) ಮಾದರಿಯ ಒಳರಚನೆಗಳು

ಗುಹೆಯ ಒಳಗೆ ನೀರು ತೊಟ್ಟಿಕ್ಕುವ ದೃಶ್ಯ

ಗೈಡ್ ಪ್ರಕಾರ ನೀರನ್ನು ಕೈಯಲ್ಲಿ ಹಿಡಿದು ಕುಡಿದರೆ 'ತೀರ್ಥ' ಸಮಾನವಂತೆ..ಟೇಸ್ಟ್ ಮಾತ್ರ ಚೆನ್ನಾಗಿತ್ತು:)



ಗುಹೆಯ ಒಳಗಿನ ಜಲಪಾತ..ಮಳೆ ಬಂದಾಗ ಇದರಲ್ಲಿ ಹೆಚ್ಚಿನ ನೀರನ್ನು ಕಾಣಬಹುದು ಮತ್ತು ತೊಟ್ಟಿಯಲ್ಲಿ ನೀರು


ಗುಹೆಯ Roof..Beautiful ಆಲ್ವಾ..


ಇದರ ಒಳಗಡೆ ಬಾವಲಿ, ಸಲಮಾಂಡರ್ ನಂತಹ ನಿರುದ್ರಪವಿ ಜೀವಿಗಳು ವಾಸಿಸುತ್ತವೆ.

ಅಲ್ಲದೆ ಹಲವು ಜೀವಿಗಳ ಪಳೆಯುಳಿಕೆಗಳು ಕಾಣಸಿಗುತ್ತದೆ. ಗುಹೆಗಳು world war ಸಮಯದಲ್ಲಿ ಸೈನಿಕರ ವಾಸಸ್ಥಳವಾಗಿತ್ತು ಎನ್ನುವುದು ಗೈಡ್ ಮಾಹಿತಿ. ಗುಹೆಗಳು ಸಾಧಾರಣವಾಗಿ 1-2 ಕಿ ಮೀ. ಉದ್ದಕ್ಕಿರುತ್ತವೆ.



ಜೀವಿಗಳಿಗೂ ಇಲ್ಲಿ ನೆಲೆಯಿದೆ - A fern

ತೂಗಾಡುತ್ತಿರುವ ಬಾವಲಿ (Mexican bat)

ಗುಹೆಯ ಒಳಗೆ ಕಂಡು ಬಂದ ಆನೆ ದಂತದ ಪಳೆಯುಳಿಕೆ

ಫೋಟೋ ಗಳು ವಿನೋದ್ ಕ್ಯಾಮೆರಾ ಕಣ್ಣಿಂದ.

Tuesday, April 20, 2010

ಐಸ್ ಕ್ಯಾಂಡಿ ಮತ್ತು ಫ್ರುಟ್ ಚಾಟ್/ ICE CANDY AND FRUIT CHAT FOR SUMMER

Summer ಅಂದ್ರೆ ನೆನಪಾಗುವುದು ಏನಾರೂ ತಣ್ಣಗೆ ತಿನ್ನಲು ಅಥವಾ ಕುಡಿಯಲು.., ಸೊ ಸುಲಭವಾಗಿ ಮಾಡಬಹುದಾದ ಐಸ್ ಕ್ಯಾಂಡಿ ಮತ್ತು ಫ್ರುಟ್-ಚಾಟ್ ಇಲ್ಲಿದೆ.
ಮಕ್ಕಳಿಗೆ ನೀರು/ ಹಾಲು / ಜ್ಯೂಸ್ ಕುಡಿಯಲು ಕೊಟ್ಟರೆ ಅಷ್ಟಾಗಿ ಇಷ್ಟವಿರುವುದಿಲ್ಲ..ಅದೇ ಈ ಐಸ್ ಕ್ಯಾಂಡಿಯನ್ನು ನಿಮಿಷದಲ್ಲಿ ಖಾಲಿ ಮಾಡುತ್ತಾರೆ.

ಮನೆಯಲ್ಲಿರಬಹುದಾದ ಯಾವುದಾದರೂ ಫ್ರೆಶ್ ಜ್ಯೂಸ್ ಗೆ (Tropicana Orange juice / Mango juice- 2 ಗ್ಲಾಸ್ ನಷ್ಟು ) ಸ್ವಲ್ಪ ನೀರು ಸೇರಿಸಿ (½ ಗ್ಲಾಸ್) 4-5 ಚಮಚ ಸಕ್ಕರೆ ಸೇರಿಸಿ, ಒಂದು ಸಣ್ಣಗಿನ ಕಪ್/ ಗ್ಲಾಸ್ / ಅಥವಾ ಐಸ್ ಕ್ಯಾಂಡಿಯ ಅಚ್ಚಿ (mould)ನಲ್ಲಿ ಹಾಕಿ ಮಧ್ಯ ಒಂದು ಕಡ್ಡಿ ಇಟ್ಟು ಫ್ರೀಜರ್ ನಲ್ಲಿ 8-10 ಗಂಟೆ ಗಟ್ಟಿಯಾಗಲು ಬಿಡಿ. ಬೇಕಾದಾಗ ಹದ ಬಿಸಿಯ ಗ್ಲಾಸ್ ನೀರಿನಲ್ಲಿ 1-2 ನಿಮಿಷ ಇಟ್ಟು ನಂತರ ತೆಗೆದು ತಿನ್ನಲು ಕೊಡಿ.


ಇದೇ ರೀತಿ ಹಾಲನ್ನು ಸ್ವಲ್ಪ ಕುದಿಸಿ, ಅದಕ್ಕೆ ಪುಡಿ ಮಾಡಿದ ಗೋಡಂಬಿ, ಬಾದಾಮಿ ಹಾಕಿದರೆ ರುಚಿಯಾದ ಕುಲ್ಫಿ ಸಿದ್ದ.


ಅಲ್ಲಿಗೆ ಮಕ್ಕಳಿಗೆ ಬೇಕಾದ ಹಾಲು / ನೀರು/ ಜ್ಯೂಸ್ ಜೊತೆಗೆ ವಿಟಮಿನ್ - ಸಿ, ಕ್ಯಾಲ್ಸಿಯಂ, ಏನು ಬೇಕೋ ಎಲ್ಲ ಸಿಗುತ್ತದೆ. ಜೊತೆಗೆ ಅಮ್ಮನಿಗೆ ಕೂಡ ಇಷ್ಟದ ಕ್ಯಾಂಡಿ ಮಾಡಿಕೊಟ್ಟಿದ್ದಕ್ಕೆ ಒಂದು ಸ್ವೀಟ್ HUG ಕೂಡ.



ನಾಯಿ ಕೂಡ ಐಸ್ ಕ್ಯಾಂಡಿ ತಿನ್ನುತ್ತವೆ ಗೊತ್ತಾ.. ಬೆಂಗಳೂರಿನ ಅಕ್ಕನ ಮನೆಯ ನಾಯಿಮರಿಗೆ ಐಸ್ ಕ್ಯಾಂಡಿ ಬಲು ಇಷ್ಟ..


FRUIT CHAT
ಹಣ್ಣುಗಳು - Apple, Orange, Strawberry, Grapes, Pineapple, southekaayi……..
ಎಲ್ಲ ಹಣ್ಣುಗಳನ್ನು ತುಂಡು ಮಾಡಿಕೊಂಡು ಇದರ ಮೇಲೆ ಒಂದು ಚಮಚ ಚಾಟ್ ಮಸಾಲ ಬೆರೆಸಿ ತಿನ್ನಲು ಕೊಡಿ.