My photo
ಕರಾವಳಿ ಹುಡುಗಿ :)

Saturday, January 30, 2010

Spinach-Cheese Swirls

ಬೇಕಾಗುವ ಸಾಮಗ್ರಿಗಳು:

ಪಫ್ಫ್ಸ್ ಪೇಸ್ತ್ರೀ ಶೀಟುಗಳು (Puff Pastry sheets) – 1
ಪಾಲಕ್ ಸೊಪ್ಪು -3 ಕಪ್ ( ಸಣ್ಣಗೆ ಹೆಚ್ಚಿ)

ಈರುಳ್ಳಿ - ½ ಕಪ್ (ಸಣ್ಣಗೆ ಹೆಚ್ಚಿ)
Mozzarella cheese (shredded) – ¼ ಕಪ್

Parmesan cheese (grated) - ¼ ಕಪ್

ಗರಂ ಮಸಾಲ ಪುಡಿ - ½ ಚಮಚ

ಎಣ್ಣೆ - 2 ಚಮಚ (Olive oil)

ಉಪ್ಪು - ರುಚಿಗೆ ತಕ್ಕಷ್ಟು

ಮಾಡುವ ವಿಧಾನ:
ಪಫ್ಫ್ ಪೇಸ್ತ್ರೀ ಶೀಟುಗಳನ್ನು, freezerನಿಂದ ಹೊರಗೆ ತೆಗೆದು ಉದ್ದಕ್ಕೆ ಬಿಡಿಸಿಕೊಂಡು 40 ನಿಮಿಷ ಇಡಬೇಕು.

ಒಂದು ಬಾಣಲೆಯಲ್ಲಿ ಸ್ವಲ್ಪ ಎಣ್ಣೆ ಹಾಕಿ ಈರುಳ್ಳಿ ಯನ್ನು ಚೆನ್ನಾಗಿ 5 ನಿಮಿಷ ಹುರಿಯಿರಿ. ನಂತರ ಇದಕ್ಕೆ ಹೆಚ್ಚಿಟ್ಟ ಪಾಲಕ್ ಸೊಪ್ಪನ್ನು ಸೇರಿಸಿ 2 ನಿಮಿಷ ಬಾಡಿಸಿಕೊಂಡು, ಸ್ಟವ್ ನಿಂದ ಇಳಿಸಿ. ಪಾಲಕ್ ಸೊಪ್ಪಿನಲ್ಲಿ ಸ್ವಲ್ಪ ಕೂಡ ನೀರಿನಂಶ ಇರಬಾರದು. ಕೊನೆಯಲ್ಲಿ ಇದಕ್ಕೆ ಉಪ್ಪು, ಗರಂ ಮಸಾಲ ಹಾಗು ಚೀಸ್ ಸೇರಿಸಿ ಮಿಕ್ಸ್ ಮಾಡಿ.
ಒಂದು ಪಫ್ಫ್ ಪೇಸ್ತ್ರೀ ಶೀಟ್ ನಲ್ಲಿ ಸ್ವಲ್ಪ ಬೆಣ್ಣೆಯನ್ನು ಸವರಿ, ಅದರ ಮೇಲೆ ಈ ಮಿಶ್ರಣವನ್ನು ಸಮನಾಗಿ
ಹರಡಿಕೊಂಡು ರೋಲ್ ನಂತೆ ಸುತ್ತಿ. ಇದನ್ನು ½ ಇಂಚು ಅಳತೆಯಲ್ಲಿ ಚಕ್ರದಂತೆ ಕತ್ತರಿಸಿ. ಕತ್ತರಿಸಿದ ಭಾಗ ಕೆಳಕ್ಕೆ ಬರುವಂತೆ ಒಂದು ಎಣ್ಣೆ ಸವರಿದ ಅಲುಮಿನಿಯಂ ಶೀಟ್ ನಲ್ಲಿಟ್ಟು ಓವೆನ್ ನಲ್ಲಿ ಮಧ್ಯದ ರಾಕ್ ನಲ್ಲಿ 400Fನಲ್ಲಿ 15 ನಿಮಿಷ bake ಮಾಡಿ. ತರಕಾರಿ ತಿನ್ನದ ಮಕ್ಕಳಿಗೆ ಇದು ಒಳ್ಳೆಯ ಸಂಜೆಯ ಸ್ನಾಕ್.

Cheese ಹಾಗು ಗರಂ ಮಸಾಲ ಪುಡಿ ಯನ್ನು ನಿಮಗೆ ಬೇಕಾದಂತೆ ಹೆಚ್ಚು ಅಥವಾ ಕಡಿಮೆ ಮಾಡಿಕೊಳ್ಳಬಹುದು.

Recipe Source: Puff Pastry ಶೀಟಿನ ಕವರಿನಲ್ಲಿದ್ದ ವಿಧಾನ

Sunday, January 24, 2010

ಹಾಗಲಕಾಯಿ ಗೊಜ್ಜು / BITTERGOURD GOJJU


ಹಾಗಲಕಾಯಿ - 1
ಉಪ್ಪು - 1 ಟೇಬಲ್ ಚಮಚ
ಸಕ್ಕರೆ - 4-5 ಚಮಚ
ಮೆಣಸಿನ ಪುಡಿ (ಬ್ಯಾಡಗಿ) - 1 ಚಮಚ
ಮೆಂತೆ ಪುಡಿ - ¼ ಚಮಚ (ಮೆಂತೆಯನ್ನು ಎಣ್ಣೆ ಹಾಕದೆ ಹುರಿದು ಪುಡಿ ಮಾಡಿ)

ಹಳದಿ ಪುಡಿ - ¼ ಚಮಚ
ಎಣ್ಣೆ - 4 ಟೇಬಲ್ ಚಮಚ
ಹುಣಸೆ ರಸ - 4 ಚಮಚ (ಲಿಂಬೆ ಗಾತ್ರದ ಹುಣಸೆ ಹಣ್ಣನ್ನು ಬಿಸಿ ನೀರಿನಲ್ಲಿ 10 ನಿಮಿಷ ನೆನೆಸಿ ರಸ ತೆಗೆದಿಟ್ಟುಕೊಳ್ಳಿ)
ಒಗ್ಗರಣೆಗೆ :

ಸಾಸಿವೆ - ¼ ಚಮಚ

ಕರಿಬೇವು 5-6 ಎಲೆ

ಹಿಂಗು - ಚಿಟಿಕೆ

ಮಾಡುವ ವಿಧಾನ:

ಹಾಗಲಕಾಯಿಯನ್ನು ತೊಳೆದುಕೊಂಡು ಎರಡು ಭಾಗ ಮಾಡಿ, ಬೀಜವನ್ನು ತೆಗೆದು, ಹಾಗಲಕಾಯಿಯನ್ನು ಸಾಧ್ಯವಾದಷ್ಟು ಸಣ್ಣಗೆ ಹೆಚ್ಚಿ. ಈ ತುಂಡುಗಳಿಗೆ ಉಪ್ಪು ಸೇರಿಸಿ ಒಂದು ಗಂಟೆ ಮುಚ್ಚಿಡಿ. ನಂತರ ಇದನ್ನು ಚೆನ್ನಾಗಿ ಹಿಂಡಿ ರಸವನ್ನೆಲ್ಲ ಬೇರ್ಪಡಿಸಿ.
ಒಂದು ಪಾತ್ರೆಯಲ್ಲಿ ಅರ್ಧ ಎಣ್ಣೆ ಹಾಕಿಕೊಂಡು ಹಾಗಲಕಾಯಿಯನ್ನು ಚೆನ್ನಾಗಿ ಮಗುಚುತ್ತಾ, 10-15 ನಿಮಿಷ crisp ಆಗುವ ತನಕ ಹುರಿಯಿರಿ. ಈಗ ಇನ್ನೊಂದು ಪಾತ್ರೆಯಲ್ಲಿ ಉಳಿದ ಎಣ್ಣೆಯನ್ನು ಹಾಕಿಕೊಂಡು ಒಗ್ಗರಣೆ ಮಾಡಿಕೊಂಡು, ಈರುಳ್ಳಿ ಯನ್ನು ಸೇರಿಸಿ ಕೆಂಪಗಾಗುವ ತನಕ (10 ನಿಮಿಷ) ಹುರಿದುಕೊಂಡು, ಹಳದಿ ಪುಡಿ, ಮೆಂತ್ಯದ ಪುಡಿ, ಹಾಗು ಮೆಣಸಿನ ಪುಡಿ ಸೇರಿಸಿ ಒಂದು ನಿಮಿಷ ಹುರಿದುಕೊಳ್ಳಿ. ನಂತರ ಹುರಿದ ಹಾಗಲ ಕಾಯಿ, ಸಕ್ಕರೆ, ಹುಣಸೆ ರಸ ಹಾಕಿ 5-10 ನಿಮಿಷ ಸಣ್ಣ ಉರಿಯಲ್ಲಿ ನೀರಿನಂಶ ಆರುವ ತನಕ ಕುದಿಸಿರಿ. ಈ ಹಂತದಲ್ಲಿ ರುಚಿ ನೋಡಿಕೊಂಡು ಬೇಕಿದ್ದರೆ
ಸಕ್ಕರೆ, ಉಪ್ಪು ಸೇರಿಸಿಕೊಳ್ಳಿ.
ಈ ಗೊಜ್ಜು ಮೊಸರನ್ನದೊಂದಿಗೆ ತಿನ್ನಲು ಚೆನ್ನಾಗಿರುತ್ತದೆ.

Saturday, January 16, 2010

ಮ್ಯಾಕರೋನ್ಸ್ / CASHEW MACAROONS


ದಕ್ಷಿಣ ಕನ್ನಡ, ಕಾಸರಗೊಡು ಸಮೀಪ ಬೆಳೆಯಲಾಗುವ ಒಂದು ಪ್ರಮುಖ ವಾಣಿಜ್ಯ ಬೆಳೆ - ಗೇರು.
ಬಾಲ್ಯದಲ್ಲಿ ಗೇರುಹಣ್ಣನ್ನು ಉಪ್ಪು ಹಾಕಿ ತಿನ್ನುವುದೆಂದರೆ ಏನೋ ವಿಶೇಷ ಸಂಬ್ರಮ. ಅಂತೆಯೇ ಮಂಗಳೂರಿನಲ್ಲಿ ಯುಗಾದಿ ಆಚರಣೆಯಲ್ಲಿ ತಯಾರಿಸಲಾಗುವ ಖಾದ್ಯಗಳಲ್ಲಿ ಹಸಿ ಗೋಡಂಬಿ ತಿರುಳಿನಿಂದ ತಯಾರಿಸಲಾಗುವ ಪಲ್ಯ, ಪಾಯಸಗಳಿಗೆ ಪ್ರಮುಖ ಆದ್ಯತೆ.

ಒಣ ಗೋಡಂಬಿಯನ್ನು ಸಿಪ್ಪೆಯಿಂದ ಬೇರ್ಪಡಿಸಲು ಗೇರುಬೀಜವನ್ನು ಮಣ್ಣಿನ ಪಾತ್ರೆಯಲ್ಲಿ ಅಥವಾ ಕೆಂಡದಲ್ಲಿ ಹುರಿಯಬೇಕು. ಇದರ ಸಿಪ್ಪೆಯಿಂದ ಹೊರಸೂಸುವ ಎಣ್ಣೆಯಲ್ಲಿ ಚರ್ಮಕ್ಕೆ allergyಯಾಗುವಂತಹ ಅಸಿಡ್ ಗಳಿರುತ್ತದೆ. ತಣ್ಣಗಾದ ನಂತರ ಗೋಡಂಬಿ ತಿರುಳನ್ನು ಸಿಪ್ಪೆಯಿಂದ ಬೇರ್ಪಡಿಸಬೇಕು. ಈ ರೀತಿ ಬಿಸಿ ಬಿಸಿ ತೆಗೆದ ಗೋಡಂಬಿ ತಿನ್ನಲು ಬಹಳ ರುಚಿ.

ಮಂಗಳೂರಿನ ಬೇಕರಿಗಳಲ್ಲಿ ಈ ಗೋಡಂಬಿ
ಮತ್ತು ಮೊಟ್ಟೆಯಿಂದ ತಯಾರಿಸಲಾಗುವ 'ಮ್ಯಾಕರೋನ್ಸ್ ' (Cashew Macaroons) ಎಂಬ ಸಿಹಿ ತಿಂಡಿ ಬಹಳ ಹೆಸರುವಾಸಿ. ಬಹಳಷ್ಟು ಜನರಿಗೆ ಈ ಸಿಹಿತಿಂಡಿ ಮಾಡಲು ಮೊಟ್ಟೆ ಉಪಯೋಗಿಸುತ್ತಾರೆ ಎಂದು ತಿಳಿದಿರಲಿಕ್ಕಿಲ್ಲ..ಇದನ್ನು ತಯಾರಿಸುವುದು ತುಂಬಾ ಸುಲಭ.

ಬೇಕಾಗುವ ಸಾಮಗ್ರಿಗಳು:
ಮೊಟ್ಟೆಯ ಬಿಳಿ ಭಾಗ - 2 ಮೊಟ್ಟೆಯಿಂದ ಸ್ವಲ್ಪ ಕೂಡ ಹಳದಿ ಭಾಗ ಬರದಂತೆ ಬೇರ್ಪಡಿಸಬೇಕು
ಸಕ್ಕರೆ - 3/4 ಕಪ್
ಗೋಡಂಬಿ - 3/4 ಕಪ್ (ಗೋಡಂಬಿಯನ್ನು ಮಿಕ್ಸಿ ಯಲ್ಲಿ
ಹಾಕಿ ಸ್ವಲ್ಪ ಪುಡಿ ಮಾಡಬೇಕು )
ವೆ
ನಿಲ್ಲ ಎಸ್ಸೆನ್ಸ್ - 1/4 ಚಮಚ
ಲಿಂಬೆ ರಸ -
1/4 ಚಮಚ
ಉಪ್ಪು - ಚಿಟಿಕೆ

ಮಾಡುವ ವಿಧಾನ :

ಒಂದು ಪಾತ್ರೆಗೆ ಲಿಂಬೆ ರಸವನ್ನು ಒಳಗಿನಿಂದ ಸವರಿಕೊಂಡು ಇದರಲ್ಲಿ ಮೊಟ್ಟೆಯ
ಬಿಳಿಭಾಗ
ಮತ್ತು ಚಿಟಿಕೆ ಉಪ್ಪು ಸೇರಿಸಿಕೊಂಡು electric egg beater
ನಲ್ಲಿ low speedನಲ್ಲಿ 2-3 ನಿಮಿಷ ಹಾಗು high speedನಲ್ಲಿ 3ನಿಮಿಷದಷ್ಟು ಮಿಕ್ಸ್ ಮಾಡಿದರೆ, ಈ ಮಿಶ್ರಣವು ದಪ್ಪದ ಹಿಟ್ಟಿನ ಹದಕ್ಕೆ ಬಂದಿರುತ್ತದೆ. ಇದಕ್ಕೆ ಸ್ವಲ್ಪ ಸ್ವಲ್ಪವೇ ಸಕ್ಕರೆ ಸೇರಿಸುತ್ತಾ ಮಿಕ್ಸ್ ಮಾಡಿಕೊಂಡು ಕೊನೆಯಲ್ಲಿ ಗೋಡಂಬಿ ಪುಡಿಯನ್ನು ಸೇರಿಸಿಕೊಂಡು ಒಂದು ಚಮಚದಲ್ಲಿ ನಿದಾನದಲ್ಲಿ ಮಿಕ್ಸ್ ಮಾಡಿಕೊಳ್ಳಬೇಕು.
ಒಂದು ಚಮಚದಷ್ಟು ಈ ಮಿಶ್ರಣವನ್ನು ಒಂದು ಬೇಕಿಂಗ್ ಶೀಟ್ ನ ಮೇಲಿಟ್ಟು ಮೊದಲೇ ಆನ್ ಮಾಡಿದ ಓವೆನ್ ನ ಮಧ್ಯದ
rackನಲ್ಲಿಟ್ಟು 325F ನಲ್ಲಿ 15-20 ನಿಮಿಷ ಬೇಯಿಸಿರಿ.
ಓವೆನ್ ನಿಂದ ತೆಗೆದಾಗ ಮ್ಯಾಕರೋನ್ಸ್
ತುಂಬಾ ಸಾಫ್ಟ್ ಆಗಿರುತ್ತದೆ. ಅರ್ಧ ಗಂಟೆಯ ನಂತರ, ಸ್ವಲ್ಪ ತಣ್ಣಗಾದ ಮೇಲೆ ಬೇಕಿಂಗ್ ಶೀಟ್ ನಿಂದ ಬೇರ್ಪಡಿಸಿ ಒಂದು ಡಬ್ಬದಲ್ಲಿ ತುಂಬಿ ಫ್ರಿಜ್ ನಲ್ಲಿಟ್ಟು ಬೇಕಾದಾಗ ಸವಿಯಿರಿ.
ಈ ರೀತಿ 10- 15 ಮ್ಯಾಕರೋನ್
ನ್ನು ಮಾಡಬಹುದು.
ಗೋಡಂಬಿಯ ಬದಲು ನೆಲ ಕಡಲೆ ಕೂಡ
ಉಪಯೋಗಿಸಬಹುದು.

ಉಪಯುಕ್ತ ಮಾಹಿತಿಯುಳ್ಳ ವೆಬ್ ಸೈಟ್ ಗಳು,
Tuticorin Cashew macaroon
coconut macaroons


ನನ್ - ಪ್ರಪಂಚದ ಓದುಗರಿಗೆಲ್ಲ ಹೊಸವರುಷ ಹೊಸ ಹರುಷ ತರಲಿ ಎಂದು ಹಾರೈಸುತ್ತಾ,
ವನಿತಾ.