Thanks to Vijaykarnataka :-)

PDF link - http://www.vijaykarnatakaepaper.com/pdf/2012/07/26/20120726a_011101003.jpg

Healthy and Yummy Broccoli Soup

ಈ ಒಂದು ವರ್ಷ ದಲ್ಲಿ ಬ್ಲಾಗ್ ನಲ್ಲಿ ಏನೂ ಬರೆದಿಲ್ಲ. ಯಾಕೆ ಬರೀತಿಲ್ಲ ಎಂದು ಕೇಳ್ತಾ ಇದ್ದ ಫ್ರೆಂಡ್ಸ್ ಗಳೆಲ್ಲರಿಗೂ ತುಂಬಾ ಥ್ಯಾಂಕ್ಸ್. ಒಂದು ವರ್ಷದಲ್ಲಿ Texasನಿಂದ ಮಂಗಳೂರಿಗೆ, ಅಲ್ಲಿಂದ ಮತ್ತೆ ಕುವೈತ್ -ಹೀಗೆ settle ಆಗೋದ್ರಲ್ಲಿ ಬಿಸಿ. ಹಾಗೂ ಮೂವರಿದ್ದ ಸಂಸಾರಕ್ಕೆ ಇನ್ನೊಂದು ಪುಟಾಣಿ ಗುಬ್ಬಚ್ಚಿಯ entryಯಿಂದಾಗಿ ಸ್ವಲ್ಪ ಸೋಮಾರಿತನ. 

ಕುವೈತ್ ನಲ್ಲಿರುವ ಸಾಲು ಸಾಲು ಇಂಡಿಯನ್ ಹೋಟೆಲ್ ಗಳಿಂದಾಗಿ ಈ ವರ್ಷ cooking ಮಾಡಿದ್ದು ಬಹಳ ಕಡಿಮೆ.. ಇಲ್ಲಿಯ ಒಂದು ಇಂಡಿಯನ್ ರೆಸ್ಟೋರೆಂಟ್ ನ Broccoli Soup ನಮಗೆ ಬಹಳ ಇಷ್ಟ ಆಯ್ತು. ಹಾಗೆ ಮನೆಯಲ್ಲಿ ಟ್ರೈ ಮಾಡಿದ ಸೂಪ್ recipe ನಿಮಗೋಸ್ಕರ:

Broccoli - ಸಣ್ಣದು ಒಂದು (fresh or frozen)
ಸ್ವಲ್ಪ ಬೆಣ್ಣೆ
ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ಪೆಪ್ಪರ್ ಪುಡಿ
ಹಾಲು- 2- 3 ಕಪ್
ಒಂದು ಪಾತ್ರೆಯಲ್ಲಿ ಒಂದೆರಡು ಚಮಚದಷ್ಟು ಬೆಣ್ಣೆ ಹಾಕಿ, ಇದರಲ್ಲಿ cut ಮಾಡಿದ Broccoliಯನ್ನು 5 ನಿಮಿಷ ಹುರಿಯಬೇಕು. ನಂತರ ಇದಕ್ಕೆ ಅರ್ಧ ಕಪ್ ನೀರು ಸೇರಿಸಿ 5 ನಿಮಿಷ ಬೇಯಿಸಿ, ತಣ್ಣಗಾಗಲು ಬಿಡಿ. ತಣ್ಣಗಾದ ನಂತರ ಮಿಕ್ಸಿಯಲ್ಲಿ ತರಿ-ತರಿಯಾಗಿ ರುಬ್ಬಿ ಇಟ್ಟುಕೊಳ್ಳಿ. ಉಳಿದ ಹಾಲನ್ನು ಒಂದು ಪಾತ್ರೆಯಲ್ಲಿ ಕುದಿಸಿಕೊಂಡು, ಇದಕ್ಕೆ ರುಬ್ಬಿದ ಮಿಶ್ರಣ ಸೇರಿಸಿ ಇನ್ನೆರಡು ನಿಮಿಷ ಕುದಿಸಿ. ಕೊನೆಯಲ್ಲಿ ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ಪೆಪ್ಪೆರ್ ಪುಡಿ ಸೇರಿಸಿ ಬಿಸಿ ಬಿಸಿಯಾಗಿ ಸವಿಯಿರಿ.

(Soup ಜಾಸ್ತಿ ನೀರಾದರೆ, 4 ಚಮಚದಷ್ಟು ಹಾಲಿಗೆ ಒಂದು ಚಮಚ ಮೈದಾ ಹಿಟ್ಟು ಸೇರಿಸಿ ಗಂಟಿಲ್ಲದಂತೆ ಮಿಕ್ಸ್ ಮಾಡಿಕೊಂಡು, soupಗೆ ಸೇರಿಸಿ ಒಂದೆರಡು ನಿಮಿಷ ಕುದಿಸಿರಿ)

Healthy and Yummy Broccoli Soup:

Ingredients-

2 Spoons butter

1 small head of broccoli (fresh/frozen)

2 cups milk

salt and ground black pepper to taste

Directions

1. Melt butter in a pot, and saute chopped broccoli for 5 minutes, and boil for 5 minutes by adding little water.
2. Once it is cooled, puree it. (Don’t make it very smooth)
3. In small saucepan, boil milk over medium-heat, add pureed broccoli. Boil for 2-3 minutes. Finally season with salt and pepper before serving. (Fried Onion and garlic can also be added. If the soup is watery then, stir in All-purpose flour (1 spoon) in little milk and add to it; All-purpose flour can be substituted with cream too)

ಸಾವನ್ನೇ ಅರಿಯದ ‘ಹೀಲ’ ಜೀವಕೋಶಗಳ ಹಿಂದಿನ ಕಥೆ (Immortal Life of Henrietta Lacks or HELA Cells)

ಸಾವನ್ನು ಗೆದ್ದವರು ಈ ಪ್ರಪಂಚದಲ್ಲಿ ಯಾರಿದ್ದಾರೆ ಹೇಳಿ!. ಹುಟ್ಟಿದವನಿಗೆ ಸಾವು ಕಟ್ಟಿಟ್ಟ ಬುತ್ತಿ. ವೈದ್ಯಕೀಯ ಸಂಶೋಧನೆಗಳ ಫಲವಾಗಿ ಸಾವನ್ನು ಮೀರಿದ ಕೋಶಗಳನ್ನು ಸಂಶೋಧಕರು ಹಲವಾರು ವರುಷಗಳ ಹಿಂದೆಯೇ ಕಂಡು ಹಿಡಿದಿದ್ದಾರೆ. ಇದಕ್ಕೆ ಕ್ಯಾನ್ಸರ್ ಕೋಶಗಳು ಉತ್ತಮ ನಿದರ್ಶನವಾಗಿದೆ. ಒಂದು ವಿಧದ ಕ್ಯಾನ್ಸರ್ ಕೋಶಗಳ ಹೆಸರು ಹೀಲ (= HeLa cells). ಇದರ ಹಿಂದಿನ ರೋಚಕ ಕಥೆಯನ್ನು ಓದುವ ಅವಕಾಶ ನನಗೆ ಸಿಕ್ಕಿತ್ತು. ವೈಜ್ಞಾನಿಕ ಸತ್ಯಘಟನೆಯನ್ನಾದರಿಸಿದ ಈ ಪುಸ್ತಕದ ಹೆಸರು - “Immortal Life of Henrietta Lacks” ಬಗ್ಗೆ ನಿಮಗೆ ಹೇಳಲೇಬೇಕು ಅನ್ನಿಸ್ತು.

ಆಕೆಯ ಹೆಸರು ಹೆನ್ರಿಟ್ಟ ಲಾಕ್ಸ್ (Henrietta Lacks). ವರ್ಜಿನಿಯ ಪ್ರಾಂತ್ಯದ ಒಂದು ಬಡ ನೀಗ್ರೋ (ಆಫ್ರಿಕನ್ ಅಮೆರಿಕನ್) ಕುಟುಂಬದ 5 ಮಕ್ಕಳ ತಾಯಿ. ಕೊನೆಯ ಮಗ ಹುಟ್ಟಿ 4 ತಿಂಗಳಿಗೆ ಆಕೆಗೆ 'ಗರ್ಭಕೋಶದ ಕ್ಯಾನ್ಸರ್’ ಇದೆ ಎಂದು ಅರಿವಾಗುತ್ತದೆ. ಅಮೆರಿಕಾದಲ್ಲಿ 1950ರ ಜನಾಂಗೀಯ ವರ್ಣಭೇದ ನೀತಿ ಇದ್ದ ಕಾಲ. ಆಕೆ ಆಫ್ರಿಕನ್ ಅಮೆರಿಕನ್ನರಿಗೆಂದು ಇದ್ದ ಒಂದೇ ಆಸ್ಪತ್ರೆ John Hopkinsಗೆ ವಿಕಿರಣ ಚಿಕಿತ್ಸೆ (radium therapy) ಗೆಂದು ಅಡ್ಮಿಟ್ ಆಗುತ್ತಾಳೆ. ಅವಳ ಚಿಕಿತ್ಸೆಗಿಂತ ಮೊದಲು ಡಾಕ್ಟರ್ ಗಳು ಅವಳ ಶರೀರದಿಂದ ಕ್ಯಾನ್ಸರ್ ಪೀಡಿತ ಮತ್ತು ಕ್ಯಾನ್ಸರ್ ರಹಿತ ಭಾಗದಿಂದ ಸಣ್ಣ ಮಾಂಸದ ತುಂಡನ್ನು ಅವಳ ಅನುಮತಿಯಿಲ್ಲದೆ ಪರೀಕ್ಷೆಗೆಂದು ತೆಗೆಯುತ್ತಾರೆ ಮತ್ತು ಅಲ್ಲೇ ಪಕ್ಕದಲ್ಲಿದ್ದ 'Dr. George Gey' ಅವರ ಲ್ಯಾಬ್ ಗೆ ಕೃತಕವಾಗಿ ಜೀವ-ಕೋಶಗಳನ್ನು ಬೆಳೆಸಲೆಂದು ಕಳುಹಿಸುತ್ತಾರೆ. ಕೊನೆಗೂ ಒಂದು ವರ್ಷದ ಕಾಲ ಕ್ಯಾನ್ಸರ್ ನಿಂದ ನರಳಿ ಆಕೆ ತನ್ನ 31ನೇ ವಯಸ್ಸಿಗೆ ಅಂತ್ಯ ಕಾಣುತ್ತಾಳೆ. ಆ ನಂತರ ನಡೆದ ಘಟನಾವಳಿಗಳು ವಿಜ್ಞಾನದ ದಿಕ್ಕನ್ನೇ ಬದಲಾಯಿಸುತ್ತದೆ ಎಂದು ಯಾರೂ ಭಾವಿಸಿರಲಿಲ್ಲ..

ವೈಜ್ಞಾನಿಕ ಅಂದಾಜಿನ ಪ್ರಕಾರ ನಮ್ಮ ದೇಹದಲ್ಲಿ, ಸುಮಾರು 10¹⁴ ಜೀವಕೋಶಗಳು ಇರುತ್ತದೆ. ಈ ಆರೋಗ್ಯಕರ ಕೋಶಗಳನ್ನು ದೇಹದಿಂದ ಹೊರಗೆ ಲ್ಯಾಬೋರೆಟರಿಯಲ್ಲಿ ಅಗತ್ಯ ಪೋಷಕಾಂಶ ಹಾಗು ವಿಟಮಿನ್ ಗಳಿಂದ ತಯಾರಿಸಿದ ಮಿಶ್ರಣದಲ್ಲಿ (media) ಬೆಳೆಸಿದರೆ 1ವಾರ, 10 ದಿನ.. ಅಬ್ಬಬ್ಬಾ!! ಎಂದರೆ 15 ದಿನ ಬೆಳೆಯಬಲ್ಲುದು. ಸ್ವಲ್ಪ ದಿನಗಳ ನಂತರ ಈ ಕೋಶಗಳು artificial mediaದಲ್ಲಿ ತಮ್ಮ ವಿಭಜನೆಯ ಸಾಮರ್ಥ್ಯವನ್ನು ಕಳೆದು ಕೊಳ್ಳುತ್ತವೆ. ಹೆನ್ರಿಟ್ಟಳ ದೇಹದಿಂದ ತೆಗೆದು ಬಳಸಿದ ಸಣ್ಣ ಮಾಂಸದ ತುಂಡಿನಿಂದ ಹುಟ್ಟಿದ ಕೋಶಗಳು ಸಾವನ್ನೇ ಮೀರಿ, ಇಂದಿಗೂ ಬೆಳೆಯುತ್ತಾ ಇದೆ. ಇದನ್ನು ಪ್ರಪಂಚದಾದ್ಯಂತದ ಲ್ಯಾಬ್ ಗಳಲ್ಲಿ ಎಷ್ಟು ಪ್ರಮಾಣದಲ್ಲಿ ಉತ್ಪಾದಿಸಲ್ಪಟ್ಟಿದೆ ಎಂಬುದು ಊಹೆಗೂ ನಿಲುಕದ ವಿಷಯ. ಒಂದು ಅಂದಾಜಿನ ಪ್ರಕಾರ, ಇದುವರೆಗೆ ತಯಾರಿಸಿದ ಹೀಲ ಕೋಶಗಳ ಒಟ್ಟು ತೂಕ 50 ಮಿಲ್ಲಿಯನ್ ಮೆಟ್ರಿಕ್ ಟನ್ ಗಿಂತಲೂ ಹೆಚ್ಚು ಅಂದರೆ 100 Empire State Building (102 ಮಹಡಿಗಳ ನ್ಯೂ ಯಾರ್ಕ್ ನ ಎತ್ತರದ ಕಟ್ಟಡ) ಗಿಂತಲೂ ಹೆಚ್ಚು. ಸತತ 50 ವರ್ಷಗಳಿಂದ ಈ ಕೋಶಗಳು ಸಾವನ್ನೇ ಕಂಡಿಲ್ಲ ಎಂದರೆ ನಂಬುತ್ತೀರಾ... ಈ HeLa Cells 1950ರಲ್ಲಿ John Hopkins ಆಸ್ಪತ್ರೆಗೆ ಅಡ್ಮಿಟ್ ಆದ ಆಫ್ರಿಕನ್ ಮಹಿಳೆ Henritta Lacks (He La) ಳ ದೇಹದಿಂದ ಬಂದಂತಹ ಕೋಶಗಳು.

ಜೀವಕೋಶಗಳನ್ನು ಕೃತಕವಾಗಿ ಬೆಳೆಸುವುದು ಈಗಲೂ ಬಹಳ ಕ್ಲಿಷ್ಟವಾದ ಕೆಲಸ. ಈಗಿನ ದಿನಗಳಲ್ಲಿ ಜೀವ ಕೋಶಗಳನ್ನು ಬೆಳೆಸಲು ಬೇಕಾದ ಮಿಶ್ರಣಗಳು ರೆಡಿಯಾಗಿ ಸಿಕ್ಕರೂ ಉನ್ನತ ತಂತ್ರಜ್ಞಾನದ ಸಲಕರಣೆಗಳು ಬಳಕೆಯಾಗುತ್ತವೆ. ಆದರೆ 50ರ ದಶಕದಲ್ಲಿ ಜೀವಕೋಶಗಳನ್ನು ತಯಾರಿಸಲು ಬಳಸಿದ ಕೃತಕ ಮೀಡಿಯಾವನ್ನು ತಯಾರಿಸಿದ್ದೇ ಒಂದು ವಿಶೇಷ. ಇದರಲ್ಲಿ ಬಳಸಿದ್ದು ಹೆರಿಗೆಯ ರೂಂ ನಿಂದ ತಂದ ಹೊಕ್ಕುಳ ಬಳ್ಳಿ, ಮಾಂಸದ ಅಂಗಡಿಯ ಕೋಳಿಯ ರಕ್ತ….ಹೀಗೆ ಬೇಕಾದ ಕಚ್ಚಾ ಸಾಮಗ್ರಿಗಳನ್ನು ತಂದು ಲ್ಯಾಬ್ ನಲ್ಲಿ ಸಂಸ್ಕ್ರರಿಸಿ, ಅಗತ್ಯ ಮಿಶ್ರಣವನ್ನು ಲ್ಯಾಬ್ ನಲ್ಲೆ ತಯಾರಿಸುತ್ತಿದ್ದರು. ಆದರೆ ಈ ಪ್ರಯೋಗಗಳ ಉತ್ತರ ಯಾವಾಗಲೂ ನಿರಾಶಾದಾಯಕವಾಗಿರುತ್ತಿತ್ತು. ಅಂತಹ ಸಮಯದಲ್ಲಿ Dr George Gey ಅವರ ಲ್ಯಾಬ್ ನಲ್ಲಿ ಬೆಳೆದ ಹೀಲ ಕೋಶಗಳು ವೈಜ್ಞಾನಿಕ ಸಂಶೋಧನೆಗಳ ಪಟ್ಟಿಯಲ್ಲಿ (medical research field) ಹೊಸ ಕ್ರಾಂತಿಯನ್ನೇ ಎಬ್ಬಿಸಿತು.

ಈಗ ವೈದ್ಯಕೀಯ ವಿಜ್ಞಾನ ರಂಗದ ಸಂಶೋಧನೆಗಳಲ್ಲಿ ಈ ಕೋಶಗಳು ಅವಿಭಾಜ್ಯ ಅಂಗ. ಕ್ಯಾನ್ಸರ್, Aids/ HIV, Leukemia, Influenza, ಪೋಲಿಯೋ ಲಸಿಕೆ, ಹಾಗು ಇತರ ಔಷಧಗಳ ತಯಾರಿಕೆಗಳಿಗೆ ನಡೆಯುವ ಪ್ರಯೋಗಗಳಲ್ಲಿ, ಅಂತರಿಕ್ಷ ಯಾನದ ಮೇಲಿನ ಪ್ರಯೋಗಗಳು ಹಾಗು ಮನುಷ್ಯನಲ್ಲಿ ಏನೇ ಪ್ರಯೋಗ ಮಾಡುವುದಿದ್ದರೂ ಅದಕ್ಕಿಂತ ಮೊದಲು ಸಂಶೋಧನೆಗಳನ್ನು ಮಾಡಲು ಈ ಕೋಶಗಳು ನಿರಂತರವಾಗಿ ಬಳಕೆಯಾಗುತ್ತವೆ. ಹೀಲಾ ಸೆಲ್ಲ್ಸ್ 50 ವರ್ಷಗಳಷ್ಟು ಹಳೆಯದಾದರೂ ವಿಶ್ವದಾದ್ಯಂತ ಹಲವು ಲ್ಯಾಬ್ ಗಳಲ್ಲಿ ಇನ್ನೂ ಕೂಡ ಬೆಳೆಯುತ್ತಲೇ ಇದೆ. ಮತ್ತು ಇದನ್ನು ಬೆಳೆಸಿ ಮಾರಾಟ ಮಾಡುವ ಹಲವು ಸಂಸ್ಥೆಗಳಿವೆ. ಇದುವರೆಗೆ ಹೀಲಾ ಸೆಲ್ಲ್ಸ್ ಬಳಸಿದ ಅರುವತ್ತನಾಲ್ಕು ಸಾವಿರಕ್ಕೂ ಮಿಕ್ಕಿ ಸಂಶೋಧನಾ ಲೇಖನಗಳು (research publications) ಬಂದಿವೆ....ಅಂದರೆ ಸರಾಸರಿ ತಿಂಗಳಿಗೆ ಮುನ್ನೂರರಷ್ಟು ಲೇಖನಗಳು ಅಂತರ್ಜಾಲದಲ್ಲಿ ಪ್ರಕಟಗೊಳ್ಳುತ್ತವೆ.. ವಿಪರ್ಯಾಸ ಎಂದರೆ ಮೆಡಿಕಲ್ ಫೀಲ್ಡ್ ನ್ನೇ ಬದಲಾಯಿಸಿದ ಆಕೆಯ ಗಂಡ ಹಾಗು ಮಕ್ಕಳಿಗೆ ಇದರಿಂದ ಯಾವ ಪ್ರಯೋಜನವೂ ಸಿಗಲಿಲ್ಲ, ಯಾವುದೇ ಮೆಡಿಕಲ್ ಇನ್ಶುರೆನ್ಸ್ ಗಳು ಇರಲಿಲ್ಲ..ಅಮೇರಿಕಾದಲ್ಲಿ ಮೆಡಿಕಲ್ ಇನ್ಶುರೆನ್ಸ್ ಇಲ್ಲದೆ ಬದುಕುವುದು ಎಂದರೆ ಅವರ ಬದುಕು ನರಕಕ್ಕೆ ಸಮ.

“The Immortal Life of Henrietta Lacks” ಪುಸ್ತಕದ ಲೇಖಕಿ Rebecca Sklootಗೆ ತನ್ನ ಹೈಸ್ಕೂಲಿನ ವಿಜ್ಞಾನದ ತರಗತಿಯಲ್ಲಿ ಉಂಟಾದ ಕುತೂಹಲದಿಂದಾಗಿ, ಸತತ 20 ವರ್ಷಗಳ ಪರಿಶ್ರಮದಿಂದ, ಹೀಲಾ ಸೆಲ್ ಲೈನ್ ಹಾಗು Henrietta Lacksಳ ಕುಟುಂಬದವರ ಬಗ್ಗೆ, ಆಫ್ರಿಕನ್ ಅಮೆರಿಕನ್ನರ ಮೇಲೆ ನಡೆದ ಹಲವು ವೈಜ್ಞಾನಿಕ ಸಂಶೋಧನೆ, ಹಾಗು ಮುಖ್ಯವಾಗಿ ಸ್ಲೆವರಿ ಗೆಂದು ಬಂದ ಆಫ್ರಿಕನ್ ಅಮೆರಿಕನ್ನರ ನ್ನು ಹೇಗೆ ವೈಜ್ಞಾನಿಕ ಸಂಶೋಧನೆಗಳ ಬಲಿಪಶುಗಳನ್ನಾಗಿ ಮಾಡಲಾಯಿತು.. ಎಲ್ಲಕ್ಕಿಂತ ಮುಖ್ಯವಾಗಿ ನಮಗಿಂದು ದೊರಕುವಂತಹ ಅತ್ಯುನ್ನತ ಮೆಡಿಕಲ್ ಸೌಲಭ್ಯಗಳ ಹಿಂದಿನ ಕರುಣಾಜನಕ ಕಥೆಗಳು….ಮುಂತಾದ ಜ್ವಲಂತ ಸತ್ಯಘಟನೆಗಳನ್ನಾದರಿಸಿ ಬರೆದ ಒಂದು ಒಳ್ಳೆಯ ಪುಸ್ತಕ......ನಿಮಗೆಲ್ಲಿಯಾದರು ಸಿಕ್ಕಿದರೆ ಖಂಡಿತಾ ಓದಿ.

ಉಪಯುಕ್ತ ಲಿಂಕುಗಳು:

1988ರಲ್ಲಿ BBCಯವರು ಮಾಡಿದ ಡಾಕುಮೆಂಟರಿ ವೀಡಿಯೊ ವನ್ನು ಈ ಲಿಂಕ್ ಮೂಲಕ ನೋಡಬಹುದು: http://topdocumentaryfilms.com/the-way-of-all-flesh

Rebecca Sklott’s webpage : http://rebeccaskloot.com/

Her blog: http://scienceblogs.com/culturedish/

More info @http://en.wikipedia.org/wiki/Henrietta_Lacks http://en.wikipedia.org/wiki/HeLa

ಥ್ಯಾಂಕ್ಸ್ 'ಸುಧಾ'

'ಸೆಪ್ಟೆಂಬರ್ 16 - 2010ರ 'ಸುಧಾ' ವಾರಪತ್ರಿಕೆಯಲ್ಲಿ ಪ್ರಕಟಿತ -
(http://www.sudhaezine.com/pdf/2010/09/16/20100916a_072101.pdf)

ಹಬ್ಬಕ್ಕೆ ಎರಡು ದಿಢೀರ್ ಸ್ವೀಟ್ಸ್ (ಗೋಧಿ ಪುಡಿ ಹಲ್ವ ಮತ್ತು ಖರ್ಜೂರ ಪಾಯಸ / Wheat flour Halwa and Dates Payasa)

ಗೋಧಿಪುಡಿ ಹಲ್ವ

ಬೇಕಾಗುವ ಸಾಮಗ್ರಿಗಳು:
ಗೋಧಿ ಪುಡಿ - 1 ಕಪ್
ಸಕ್ಕರೆ - 1 ಕಪ್
ಹಾಲು - 1 ಕಪ್
ತುಪ್ಪ - ¼ ಕಪ್
ಏಲಕ್ಕಿ ಪುಡಿ - 1 ಚಮಚ

ಗೋಡಂಬಿ / ಬಾದಾಮಿ ಪೌಡರ್ - ಸ್ವಲ್ಪ
ಒಂದು ಪಾತ್ರೆಯಲ್ಲಿ ತುಪ್ಪ ಬಿಸಿ ಮಾಡಿ, ಇದಕ್ಕೆ ಗೋಧಿಪುಡಿಯನ್ನು ಸೇರಿಸಿ, ಸಣ್ಣ ಉರಿಯಲ್ಲಿ ಕೆಂಬಣ್ಣ ಬರುವ ತನಕ (15-20 ನಿಮಿಷ) ಹುರಿಯಿರಿ. ನಂತರ ಇದಕ್ಕೆ ಸಕ್ಕರೆ, ಏಲಕ್ಕಿ ಪುಡಿ ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ, ಕೊನೆಯಲ್ಲಿ ಹಾಲು ಸೇರಿಸಿ. ಈ ಮಿಶ್ರಣ ತಳ ಬಿಡುವಾಗ (5 ನಿಮಿಷ) ಒಂದು ತುಪ್ಪ ಸವರಿದ ಪ್ಲೇಟ್ ಗೆ ಹಾಕಿ ಸ್ವಲ್ಪ ತಣ್ಣಗಾದ ನಂತರ ಬೇಕಾದ ಆಕಾರಕ್ಕೆ ತುಂಡು ಮಾಡಿ. ಮೇಲಿನಿಂದ ಗೋಡಂಬಿ-ಬಾದಾಮಿ ಪೌಡರ್ ನ್ನು ಉದುರಿಸಿ ಅಥವಾ ಇಡೀ ಗೋಡಂಬಿಯಿಂದ ಅಲಂಕರಿಸಿ.

ಖರ್ಜೂರ ಪಾಯಸ

ಬೇಕಾಗುವ ಸಾಮಗ್ರಿಗಳು:
ಖರ್ಜೂರ - 15
ತೆಂಗಿನ ಹಾಲು - 3 ಕಪ್ (½ ತೆಂಗಿನಕಾಯಿಯನ್ನು ತುರಿದು ನೀರು ಸೇರಿಸಿಕೊಂಡು ಮಿಕ್ಸಿಯಲ್ಲಿ ರುಬ್ಬಿ, ಹಾಲನ್ನು ಹಿಂಡಿ ತೆಗೆಯಿರಿ. ಪುನ ಇದಕ್ಕೆ ನೀರು ಸೇರಿಸಿ ಇನ್ನೊಮ್ಮೆ ಹಾಲು ತೆಗೆದಿಡಿ.)
ಸಕ್ಕರೆ ಅಥವಾ ಬೆಲ್ಲ - ½ ಕಪ್ (ಸಿಹಿಗೆ ತಕ್ಕಂತೆ)
ಏಲಕ್ಕಿ ಪುಡಿ - 1 ಚಮಚ

ಸ್ವಲ್ಪ ಗೋಡಂಬಿ ಹಾಗು ಒಣ ದ್ರಾಕ್ಷೆ

ಖರ್ಜೂರದ ಬೀಜ ತೆಗೆದು ಸಣ್ಣಗೆ ತುಂಡು ಮಾಡಿಕೊಂಡು ಅರ್ಧ ಕಪ್ ನೀರಿನಲ್ಲಿ 5 ನಿಮಿಷ ಕುದಿಸಿರಿ. ತಣ್ಣಗಾದ ನಂತರ ಇದನ್ನು ಮಿಕ್ಸಿಯಲ್ಲಿ ರುಬ್ಬಿ. ಈ ಮಿಶ್ರಣವನ್ನು ಒಂದು ಪಾತ್ರೆಯಲ್ಲಿ ತೆಗೆದುಕೊಂಡು ಇದಕ್ಕೆ ತೆಂಗಿನ ಹಾಲು ಮತ್ತು ಸಕ್ಕರೆ ಸೇರಿಸಿ 5 ನಿಮಿಷ ಹದ ಉರಿಯಲ್ಲಿ ಕುದಿಸಿರಿ. ಕೊನೆಯಲ್ಲಿ ಏಲಕ್ಕಿಪುಡಿ ಹಾಗು ತುಪ್ಪದಲ್ಲಿ ಹುರಿದ ಗೋಡಂಬಿ ಹಾಗು ಒಣ ದ್ರಾಕ್ಷೆಯನ್ನು ಸೇರಿಸಿ, ಬಿಸಿ ಅಥವಾ ತಣ್ಣಗಾದ ನಂತರ ಸವಿಯಲು ಕೊಡಿ. ಪಾಯಸ ಗಟ್ಟಿಯಾಗಿದ್ದರೆ, ಕೊನೆಯಲ್ಲಿ ½ - 1 ಕಪ್ ಹಾಲು ಕೂಡ ಸೇರಿಸಬಹುದು.ಈ ಎರಡು ಸ್ವೀಟ್ಸ್ಗಳನ್ನು ಮಾಡಲು ತುಂಬಾ ಸುಲಭ ಹಾಗೂ ಕಡಿಮೆ ಸಮಯದಲ್ಲಿ ಮಾಡಬಹುದು.

Recipe source: Vidyakka

ನನ್- ಪ್ರಪಂಚದ ಓದುಗರೆಲ್ಲರಿಗೂ ಗೌರಿ - ಗಣೇಶ ಹಬ್ಬದ ಶುಭಾಶಯಗಳೊಂದಿಗೆ,
ವನಿತಾ.

ಪಾಲಕ್ ಸೊಪ್ಪು- ಕ್ಯಾರೆಟ್ ಪಲಾವ್ (Spinach - Carrot Pulav) and Green bean stir fry

ಬ್ಲಾಗ್ ಅಪ್ಡೇಟ್ ಮಾಡದೆ ತಿಂಗಳು ದಾಟಿತು.. ಜೂನ್ ತಿಂಗಳಲ್ಲಿ ಹದಿನೈದು ದಿನ ಅಮೆರಿಕಾದಲ್ಲಿ ಸಣ್ಣ ಟೂರ್ ಹೊಡೆದು ಬಂದ್ವಿ.ಹೊರಡುವ ಮೊದಲು 15 ದಿನ preparation; ..ಬಂದ ಮೇಲೆ ಸ್ವಲ್ಪ ಸೋಂಬೇರಿತನ.. ಆದುದರಿಂದ ಏನೂ ಬರೆದಿರಲಿಲ್ಲ. ಇತ್ತೀಚಿಗೆ ನನ್ನ ಆಂಧ್ರದ ಫ್ರೆಂಡ್ ಒಬ್ಬರು ಮಾಡಿದ ಪಾಲಕ್ - ಕ್ಯಾರೆಟ್ ಪಲಾವ್, ನಮ್ಮನೆಯಲ್ಲಿ ಎಲ್ಲರಿಗೂ ತುಂಬಾ ಇಷ್ಟ ಆಯಿತು. ಅದನ್ನು ನಿಮ್ಮ ಜೊತೆ ಹಂಚಿಕೊಳ್ಳೋಣ ಎಂದು ಅನ್ನಿಸಿತು..

ಪಾಲಕ್ ಸೊಪ್ಪು- ಕ್ಯಾರೆಟ್ ಪುಲಾವ್ ಮಾಡಲು ಬೇಕಾಗುವ ಸಾಮಗ್ರಿಗಳು:

ಬಾಸ್ಮತಿ ರೈಸ್ - 2 ಕಪ್
ಪಾಲಕ್ ಸೊಪ್ಪು - ಒಂದು ಕಟ್ಟು (ಕಟ್ಟಿನಿಂದ ಬಿಡಿಸಿ ಸೊಪ್ಪು ಮಾತ್ರ ತೆಗೆದು ಕ್ಲೀನ್ ಮಾಡಿ ಕಟ್ ಮಾಡಿಡಿ)
ಕ್ಯಾರೆಟ್ - 2-3 (ತುರಿದುಕೊಂಡು)
ಬಟಾಣಿ - ½ ಕಪ್ (ನೀರಿನಲ್ಲಿ 6-8 ಗಂಟೆ ನೆನೆಸಿ / frozen green peas )
ಆಲೂಗಡ್ಡೆ - 1-2
ಹಸಿ ಮೆಣಸು - 2-3
ಗರಂ ಮಸಾಲ ಪುಡಿ - 1 ಚಮಚ
ಈರುಳ್ಳಿ - 1 ಕಟ್ ಮಾಡಿ
ಶುಂಟಿ - ಬೆಳ್ಳುಳ್ಳಿ ಪೇಸ್ಟ್ - 1 ಚಮಚ
ಚೆಕ್ಕೆ - 1” ತುಂಡು
ಏಲಕ್ಕಿ - 1ಲವಂಗ- 3

ಉಪ್ಪು - 1 ½ ಚಮಚ

ತುಪ್ಪ / ಎಣ್ಣೆ - ಸ್ವಲ್ಪ

ವಿಧಾನ:
ಅಕ್ಕಿಯನ್ನು 15 ನಿಮಿಷ ನೀರಿನಲ್ಲಿ ನೆನೆಸಿಟ್ಟು ನಂತರ ಚೆನ್ನಾಗಿ ತೊಳೆದಿಟ್ಟುಕೊಳ್ಳಿ.
ಒಂದು ಪಾತ್ರೆಯಲ್ಲಿ ಸ್ವಲ್ಪ ತುಪ್ಪ / ಎಣ್ಣೆ ಹಾಕಿಕೊಂಡು, ಚೆಕ್ಕೆ, ಏಲಕ್ಕಿ, ಲವಂಗ ವನ್ನು ಸ್ವಲ್ಪ ಹುರಿಯಿರಿ. ಇದಕ್ಕೆ ಈರುಳ್ಳಿ ಸೇರಿಸಿ ಹುರಿದು, ನಂತರ ಪಾಲಕ್ ಸೊಪ್ಪು ಸೇರಿಸಿ, 3-4 ನಿಮಿಷ (ಸೊಪ್ಪು shrink ಆಗುವ ತನಕ) ಹುರಿಯಿರಿ. ನಂತರ ಕ್ಯಾರೆಟ್, ಬಟಾಣಿ, ಆಲೂಗಡ್ಡೆ ಹಾಗು ಅಕ್ಕಿ ಸೇರಿಸಿ 2-3 ನಿಮಿಷ ಹುರಿಯಿರಿ. ಇದನ್ನು ಕುಕ್ಕರಿನಲ್ಲಿ ತೆಗೆದುಕೊಂಡು, ಉಪ್ಪು, ಗರಂ ಮಸಾಲ ಪುಡಿ, ಶುಂಟಿ- ಬೆಳ್ಳುಳ್ಳಿ ಪೇಸ್ಟ್ ಹಾಗು 4 ಗ್ಲಾಸ್ ನೀರು ಸೇರಿಸಿ ಬೇಯಿಸಿರಿ. ಇದನ್ನು ಮೊಸರು ರಾಯಿತ / ಸೈಡ್ ಡಿಶ್ ನೊಂದಿಗೆ ತಿನ್ನಬಹುದು. ತುಂಬಾ ಸುಲಭದಲ್ಲಿ ತಯಾರಿಸಬಹುದಾದ ರೆಸಿಪಿ ಹಾಗು ಟೇಷ್ಟಿಯಾಗಿರುತ್ತದೆ.
ತೆಂಗಿನ ತುರಿ ಸೇರಿಸಿ ಮಸಾಲೆಯನ್ನು ರುಬ್ಬಿಕೊಂಡು ಈ ರೀತಿಯಲ್ಲಿ ಕೂಡ ಈ ಪಲಾವ್ ನ್ನು ಮಾಡಬಹುದು.

ಬೀನ್ಸ್ ಸ್ಟಿರ್ ಫ್ರೈ (Green bean stir fry):

ಅಮೆರಿಕಾದಲ್ಲಿ Asian restaurant ಅಂದರೆ ಹೆಚ್ಚಾಗಿ ಅದು Chinese restaurant ಆಗಿರುತ್ತದೆ. ವೆಜಿಟೇರಿಯನ್ ಆದ ನಂಗೆ ಅಲ್ಲಿ ಹೆಚ್ಚಿನ options ಇಲ್ಲದಿದ್ದರೂ, ಇದ್ದುದರಲ್ಲಿ ಇಷ್ಟವಾಗುವ ಒಂದು dish, green bean stir fry. ಉದ್ದದ ಬೀನ್ಸ್ ನ್ನು ಫ್ರೈ ಮಾಡಿ starter / ಸೈಡ್ ಡಿಶ್ ತರ ಉಪಯೋಗಿಸಬಹುದು. So ಗೂಗಲ್ ನಲ್ಲಿ ಹುಡುಕಿ, ಮನೆಯಲ್ಲಿ ಟ್ರೈ ಮಾಡಿದಾಗ ಹೋಟೆಲ್ ನಲ್ಲಿ ಸಿಕ್ಕುವಷ್ಟು ಕ್ರಿಸ್ಪ್ (crisp) ಆಗದಿದ್ದರೂ, not bad ಅಂತ ಅನ್ನಿಸಿತು.

ತಯಾರಿಸುವ ವಿಧಾನ:
15-20 ಬೀನ್ಸ್
ಎಣ್ಣೆ - 2-3 ಚಮಚ
ಉಪ್ಪು - ಚಿಟಿಕೆ
ಸೋಯಾ ಸಾಸ್ - ¼ ಚಮಚ

ಬೀನ್ಸ್ ನ್ನು ಕ್ಲೀನ್ ಮಾಡಿ ತೊಳೆದು, ಕುದಿಯುವ ನೀರಿಗೆ ಹಾಕಿ 5ನಿಮಿಷ ಕುದಿಸಿರಿ. ಇದನ್ನು ತಕ್ಷಣ ಒಲೆಯಿಂದ ತೆಗೆದು ತಣ್ಣೀರಿನಲ್ಲಿ 2-3 time rinse ಮಾಡಿ, ನಂತರ ಒಂದು ಬಟ್ಟೆ/ paper towel ನಲ್ಲಿ ತೆಗೆದಿಡಿ.
ಒಂದು ಪಾನ್ ನಲ್ಲಿ ಸ್ವಲ್ಪ ಎಣ್ಣೆ ಹಾಕಿ, ಈ ಬೀನ್ಸ್ ನ್ನು 10-12 ನಿಮಿಷ ಮೊಗಚುತ್ತ ಹುರಿಯಿರಿ. ಕೊನೆಯಲ್ಲಿ ಸ್ವಲ್ಪ ಉಪ್ಪು, ಸೋಯಾ ಸಾಸ್, ಸೇರಿಸಿ, ಮಿಕ್ಸ್ ಮಾಡಿ, ಸ್ವಲ್ಪ ತಣ್ಣಗಾದ ನಂತರ ತಿನ್ನಲು ಕೊಡಿ.

ಕೊನೆಯಲ್ಲಿ ಸ್ವಲ್ಪ ಶುಂಟಿ- ಬೆಳ್ಳುಳ್ಳಿಯನ್ನು ತುರಿದು ಫ್ರೈ ಮಾಡಿ ಕೂಡ ಸೇರಿಸಬಹುದು. ನೀರಿನಲ್ಲಿ blanch ಮಾಡದೆ direct ಆಗಿ ಬೀನ್ಸ್ ನ್ನು ಹುರಿಯಬಹುದು, but ನಂಗೆ ಫಸ್ಟ್ ವಿಧಾನದಲ್ಲಿ ಮಾಡಿದಾಗ ರುಚಿ ಇಷ್ಟವಾಯಿತು.

ಇತ್ತೀಚಿಗೆ ಓದಿದ ಪುಸ್ತಕ - Between Two Worlds: My life and Captivity in Iran by Ms. Roxana Saberi.
ಜನವರಿ 2009ರಲ್ಲಿ, ಇರಾನಿನ ಜೈಲಿನಲ್ಲಿ 100 ದಿನ ಗಳ ಕಾಲ ಶಿಕ್ಷೆ ಅನುಭವಿಸಿದ Roxana Saberi ತನ್ನ ಆ ಜೈಲುವಾಸದ ದಿನಗಳ ಬಗ್ಗೆ ಬರೆದ ಪುಸ್ತಕವಿದು. ಈಕೆ BBC, NPR, Fox news ನಂತ ಹಲವು ಪ್ರಸಿದ್ಧ ಚಾನೆಲ್ ಗಳಿಗೆ ಜರ್ನಲಿಸ್ಟ್ ಆಗಿದ್ದಾಕೆ.
ತನ್ನ ಇರಾನಿ ತಂದೆಯ ಪ್ರಭಾವ ಹಾಗು ಅಲ್ಲಿನ cultural aspectಗಳ ಬಗ್ಗೆ ತಿಳಿಯುವ ಕುತೂಹಲದಿಂದ, ಪುಸ್ತಕ ಬರೆಯಬೇಕೆಂದು ಹೋದ ಈಕೆಯನ್ನು ಇರಾನಿನ Intelligenceನವರು ಅಮೆರಿಕಾದ spy ಎಂದು ಜೈಲಿಗೆ ತಳ್ಳುತ್ತಾರೆ. ಸುಮಾರು ಒಂದು ತಿಂಗಳವರೆಗೆ ಯಾರನ್ನೂ (ಲಾಯರ್ ನ್ನು ಕೂಡ) ಸಂಪರ್ಕಿಸಲು ಬಿಡದೆ, ಯಾರಿಗೂ ಜೈಲಿನಲ್ಲಿರುವದನ್ನು ಹೇಳಕೂಡದು ಎಂದು ತುಂಬಾ ವಿಧದಲ್ಲಿ ಮಾನಸಿಕ ಹಿಂಸೆ ಮತ್ತು 8 ವರ್ಷಗಳ ಶಿಕ್ಷೆ ಯನ್ನು ವಿಧಿಸುತ್ತಾರೆ. ಅಮೆರಿಕಾದ guantanamo bay ಯಂತೆಯೇ ಪ್ರ(ಕು)ಖ್ಯಾತಿ ಪಡೆದ ಇರಾನಿನ Evin Prisonನಲ್ಲಿ 100 ದಿನಗಳ ಕಾಲವಿದ್ದಾಗ ಅಲ್ಲಿನ ಜೈಲರುಗಳು, cell matesಗಳ ಬಗ್ಗೆ, ಕೊನೆಗೆ ಆಕೆ ಅಲ್ಲಿ hunger strike ಮಾಡಿದ್ದು, ಹಾಗು ಅವಳ ಬಂಧನಕ್ಕೆ ವಿಶ್ವದ ಎಲ್ಲ ಮೂಲೆಗಳಿಂದ ಬಂದ ಪ್ರತಿರೋಧಗಳು, ಕೊನೆಗೂ 100 ದಿನಗಳ ನಂತರ ಮೇ 11, 2009 ರಂದು ಜೈಲಿನಿಂದ ಹೊರ ಬಂದುದನ್ನು ಚೆನ್ನಾಗಿ ಬರೆದಿದ್ದಾರೆ. A nice read.